Tónlistarskóli Árnesinga leitar að öflugum leiðtoga til að stýra faglegu starfi og rekstri eins stærsta og umsvifamesta tónlistarskóla landsins.

Skólastjóri ber ábyrgð á faglegu starfi, daglegum rekstri og þróun skólans og leiðir öflugt teymi starfsfólks.

Helstu verkefni og ábyrgð

• Stjórnun og ábyrgð á daglegum rekstri og starfsemi skólans
• Leiða faglegt starf skólans og stuðla að áframhaldandi þróun tónlistarnáms
• Mannauðs- og launamál
• Samskipti við sveitarfélög, grunnskóla og aðra samstarfsaðila
• Áætlanagerð og upplýsingagjöf
• Vinna með starfsmönnum skólans að stefnumótun og þróun starfseminnar
• Ýmis önnur verkefni sem snerta stjórnun skólans

Menntunar- og hæfniskröfur

• Tónlistarmenntun á háskólastigi; menntun á sviði stjórnunar kostur
• Stjórnunarreynsla, reynsla af verkefnastjórnun, rekstri og/eða menningarstarfi æskileg
• Innsýn í starfsemi tónlistarskóla og þróun tónlistarnáms æskileg
• Leiðtogafærni og hæfni til að leiða faglegt starf og þróun
• Framúrskarandi samskiptahæfni, jákvætt viðmót og þjónustulund
• Skipulagshæfni og sjálfstæði í vinnubrögðum
• Fagmennska, frumkvæði og metnaður í starfi
• Mjög góð tölvukunnátta, tæknilæsi og innsýn í samfélagsmiðla
• Gott vald á íslensku og ensku í ræðu og riti

Sótt er um á www.mognum.is

Umsóknarfrestur er til og með 7. apríl 2026

Umsókn þarf að fylgja ítarleg starfsferilskrá ásamt upplýsingum um umsagnaraðila og kynningarbréf þar sem gerð er grein fyrir og rökstutt á kerfisbundinn hátt, hvernig umsækjandi uppfyllir hæfniskröfur.

Nánari upplýsingar veita:

Sigríður Ólafsdóttir I sigga@mognum.is

Telma Eiðsdóttir I telma@mognum.is

Tónlistarskóli Árnesinga er samrekinn af öllum átta sveitarfélögum Árnessýslu og er einn stærsti og umsvifamesti tónlistarskóli landsins. Starfsemi skólans fer fram á tólf stöðum í sýslunni. Fjöldi nemenda er um 540 og um 40 kennarar starfa að jafnaði við skólann. Kennt er á flest öll hefðbundin klassísk og rytmísk hljóðfæri.

Skólinn gegnir mikilvægu hlutverki í menningarlífi Árnessýslu með metnaðarfullu starfi, öflugu tónleikahaldi og virku samstarfi við skóla, sveitarfélög og samfélagið.