Um Tónlistarskóla Árnesinga

Skólinn starfar eftir ákvæðum gildandi laga og reglugerða um tónlistarskóla og tónlistarfræðslu auk gildandi kjarasamnings. (Úr reglugerð fyrir Tónlistarskóla Árnesinga). Skólinn var stofnaður árið 1955 og hét þá Tónlistarskóli Árnessýslu. Þá voru í skólanum 50 nemendur frá 9 sveitarfélögum í Árnessýslu. Skólinn hefur síðan vaxið og dafnað og fer kennsla nú fram á vegum tónlistarskólans í flestum grunnskólum og þéttbýlisstöðum í sýslunni. Kennarar skólans eru um 30 talsins í misstórum stöðugildum. Nemendur skólans eru um 500 talsins auk barna í forskóla 2. bekkjar.