Laugard. 11. febrúar stendur tónlistarskólinn fyrir tónleikadegi, í tilefni af Degi tónlistarskólanna (sem er 7. febrúar).

Þema tónleikanna (sem eru 6 að tölu) verður Haf og sjómennska. Þematónleikar skipa alltaf sérstakan sess í tónleikahaldi, því þar má heyra fjölmörg lög sem annars eru fáséð á nemendatónleikum. Þá má á öllum tónleikunum sjá og heyra þversnið af hljóðfæravali skólans og söng.

Staður og stund tónleikanna:

Selfosskirkja kl. 10:00, 12:30 og 15:00 (Nemendur úr Árborg og Flóahreppi)

Þorlákskirkja kl. 10:00 (Nemendur úr Þorlákshöfn)

Félagsheimilið Aratunga kl. 12:30 (Nemendur úr Grímsnes- og Grafningshreppi, Bláskógabyggð, Hrunamannahreppi og Skeiða- og Gnúpverjahreppi).

Hveragerðiskirkja kl. 15:00 (Nemendur úr Hveragerði og Ölfusi)

Aðgangur að tónleikunum er ókeypis og allir hjartanlega velkomnir!