Tvisvar til þrisvar á ári hefur Tónlistarskóli Árnesinga tekið á móti nemendahópum frá Þýskalandi, sem eru í umönnunarnámi. Í Íslandsför sinni heimsækja nemendurnir ýmsa skóla og stofnanir í Árnessýslu og fá upplýsingar um starfsemina. Hópurinn sem heimsótti okkur í mars var óvenju stór, enda tveir hópar sem mættust þarna á sama tíma. Sylke Leyk hefur haldið utan um skipulag við þetta frábæra verkefni hér á Íslandi ásamt kennurum sem fylgja hópunum.

Það hefur verið gaman að fræða þessa áhugasömu nemendur um skólann okkar og tónlistarskóla á Íslandi, uppfræða þá um hve öflugt tæki tónlistin er í allri umönnun og svara spurningum gestanna. […]

Krakkabarokk á pálmasunnudag í Hörpu

Átta blokkflautunemendur úr Tónlistarskóla Árnesinga tóku þátt í Krakkabarokkhátíð á pálmasunnudag í Hörpu 29. mars, ásamt fjölda annarra hljóðfæranemenda og kóra. Tóku nemendur okkar þátt í öllum sameiginlegum verkum og að auki léku blokkflautunemendur einir Rondeau eftir Bach – sjá á 44. mínútu í þessu myndbandi: https://youtube.com/watch?v=6TSptbV8ddY&feature=shared

Tónleikarnir voru í samstarfi við Reykjavík Early Music Festival, en það voru tónlistarnemendur og kórsöngvarar af höfuðborgarsvæðinu, Suðurlandi og Norðurlandi eystra sem fengu þarna tækifæri til að leika með Kammerhópnum ReykjavíkBarokk.

Nemendahópurinn okkar stóð sig afskaplega vel og var skólanum og kennurum sínum til mikils sóma. Innilega til hamingju!

Hér fyrir neðan […]

Mið- og framhaldsdeildartónleikar voru haldnir um miðjan mars í Hveragerðiskirkju og sal skólans á Selfossi.

Dagskrá beggja tónleika var fjölbreytt og skemmtileg og gaman að heyra nemendur á þessum stigum spreyta sig á metnaðarfullum verkum – og ná að skila þeim svo vel til áheyrenda.

Frá framhaldsdeildartónleikum 16. mars

Frá miðdeildartónleikum […]

Skólastjóraskipti í Tónlistarskóla Árnesinga

Við þau tímamót að ég læt af störfum sem skólastjóri, er gaman að líta um öxl og horfa yfir farinn veg sl. 30 ár.

Ég hóf kennslu við Tónlistarskóla Árnesinga árið 1995, en hafði þá starfað í rúm 10 ár við Tónmenntaskóla Reykjavíkur og víðar.

Árið 2000 óskaði Róbert A. Darling, þá nýráðinn skólastjóri Tónlistarskóla Árnesinga, eftir að ég tæki að mér hlutverk aðstoðarskólastjóra sem ég þáði. Þar með hófst mjög gefandi og skemmtilegt ævintýri við að byggja upp og þróa skólann í gegnum ótrúlegar breytingar á málefnum tónlistarskóla, sem og tæknilegar breytingar.

Þegar litið er til baka er í raun […]

Það er komið að tímamótum í stjórn Tónlistarskóla Árnesinga, því 1. ágúst nk. láta bæði skólastjóri og aðstoðarskólastjóri af störfum.

Helga Sighvatsdóttir skólastjóri og Jóhann I. Stefánsson hafa bæði komið að stjórn tónlistarskólans sl. 25 – 26 ár. Helga sem aðstoðarskólastjóri 2000 – 2017 og skólastjóri frá 2018 – 2026 auk blokkflautukennslu og Jóhann sem stjórnandi á skrifstofu frá 2001 – 2017 og aðstoðarskólastjóri frá 2018 – 2026 auk málmblásturskennslu.

Helga hverfur til annarra verkefna, en Jóhann mun áfram sinna kennslu við skólann.

Skemmtileg og gefandi ár eru að baki, sem við þökkum innilega fyrir!

Helga og Jóhann

[…]

Tónleikaröð Tónlistarskóla Árnesinga vikuna 9. – 13. febrúar, sem haldin var í tilefni af Degi tónlistarskólanna, var mjög skemmtileg.

Haldnir voru sex tónleikar alls í Skálholtskirkju, í Hveragerðiskirkju, í hátíðarsal Stekkjaskóla á Selfossi og í Þorlákskirkju. Þema tónleikanna var Dýrin okkar og mjög gaman að heyra þá fjölbreytni í efnisvali sem nemendur og kennarar göldruðu fram.

Innilegar þakkir til nemenda og kennara fyrir vel undirbúin verkefni og fallegan flutning!

/Helga Sighv.

Hér fyrir neðan má sjá nokkrar myndir frá tónleikum vikunnar.

Skálholtskirkja 9.2.2026

[…]

Tónlistarskóli Árnesinga heimsækir 2. bekk allra grunnskóla í Árnessýslu, 5 sinnum á hverju vori. Grunnskólarnir eru 12 talsins og því eru þetta í allt 60 heimsóknir.

Verkefni okkar er að kynna öll hefðbundin hljóðfæri sem læra má á í tónlistarskólanum og fá nemendur stutta kynningu um hvert hljóðfæri fyrir sig. Að auki fá nemendur að heyra hvernig hljóðfærin hljóma, kennarar leika nokkur lög og að lokum syngjum við saman 1 -2 lög.

Það er alltaf gaman að koma í grunnskólana enda afskaplega vel tekið á móti tónlistarkennurunum.

Hér fyrir neðan eru myndir frá tveimur hljóðfærakynningum í liðinni viku. – Önnur fyrir Vallaskóla, í sal Tónlistarskólans […]

18. og 19. desember er kennsla óhefðbundin. Í stað kennslu þessa daga, fara kennarar með nemendur (eftir því sem við verður komið) út í samfélagið að leika jólalög og aðra fallega tónlist fyrir samborgarana. Sú spilamennska fer oft fram á öðrum dögum í desember, eða allt eftir því hvenær hægt er að heimsækja t.d. hjúkrunarheimili, leikskóla, verslanir, viðburði og annað sem óskað hefur verið eftir. Þá taka margir nemendur og kennarar tónlistarskólans virkan þátt í Litlu-jólum grunnskólanna þessa daga og leika undir dansi í kringum jólatré.

Hér fyrir neðan eru nokkrar myndir frá jólaspilamennsku í desember.

[…]

Í júní sl. fékk tónlistarskólinn 300.000 kr. styrk frá Rótarýklúbbi Selfoss, til kaupa á gagnvirkum skjá til tónfræðikennslu á Selfossi.

Magnús Hlynur Hreiðarsson formaður Rótarýklúbbsins, afhenti skjáinn formlega þann 2. desember, en skjárinn nýtist tónfræðikennurum mjög vel.

Tónlistarskóli Árnesinga þakkar Rótarý innilega fyrir stuðninginn!

Helga Sighvatsdóttir, skólastjóri

Hausttónleikar kennaranna eru flestir að baki, en þeir allra síðustu eiga eftir að teygja sig inn í desembermánuð.

Á hausttónleikum fá nemendur að njóta sín sem einleikarar og fá þjálfun í framkomu, hver hjá sínum kennara. Það er ótrúlega gaman að mæta á þessa ólíku tónleika á öllum kennslustöðum sýslunnar og sjá nemendur jafnt stíga sín fyrstu skref á sviði, eða leika flókin verk eftir margra ára tónlistarnám. – Allt er þetta jafn dýrmætt og hvert skref jafn mikilvægt 🙂

Hér fyrir neðan má sjá myndir frá nokkrum hausttónleikanna.

/Helga Sighv.

  […]