Sunnud. 29. september tóku sex fyrrverandi og núverandi fiðlunemendur úr Tónlistarskóla Árnesinga þátt í tónleikum Ungsveitar SÍ. Þetta voru þær Guðrún Birna Kjartansdóttir, Sólrún Njarðardóttir, Hugrún Birna Hjaltadóttir, Bryndís Hekla Sigurðardóttir, Eyrún Huld Ingvarsdóttir (sem var konsertmeistari) og Aðalheiður Sif Guðjónsdóttir. Allar komust þær að eftir strangt prufuspil og fengu tækifæri til að æfa og leika 9. sinfóníu Dvorák í Eldborgarsal Hörpu. – Glæsilegir fulltrúar skólans!

Mynd frá foreldri

/Helga Sighv.

Á starfsdögum höldum við m.a. ýmis námskeið eða fyrirlestra um málefni sem gagnast kennurum í starfi.

19. ágúst sl. sátu kennarar námskeið Maríönnu Guðbergsdóttur frá Jafnréttisskólanum, sem bar heitið: Háværir strákar og sætar stelpur, en það fjallar m.a. um staðalmyndir kynjanna, mikilvægi jafnréttisfræðslu og að bera kennsl á staðalmyndir sem geta verið hamlandi og jafnvel skaðandi fyrir nemendur. Var fyrirlesturinn og hópastarfið sem fylgdi, gott veganesti út í veturinn.

Á kennaraþingi 26. sept. var svo fjallað um breytingar á aðalnámskrá tónlistarskóla (sem er í umsagnarferli) og menntun og starfsþróun tónlistarskólakennara í Listaháskóla Íslands.

[…]

Verkefni haustsins eru alltaf fjölmörg og í mörg horn að líta. Kennarar hafa samband við öll heimilin og setja saman stundaskrár, vetrarstarfið er skipulagt á sameiginlegum fundum og deildafundum, námsefni og hljóðfæri eru yfirfarið o.fl. – Að auki koma alltaf upp einhver óvænt atriði sem bregðast þarf við.

Tónlistarskólinn þurfti að flytja úr viðbótarhúsnæði að Eyravegi 15 á Selfossi, vegna myglu. Fluttist kennslan þaðan að mestu leyti í Stekkjskóla (þar sem vel var tekið á móti okkur 🙂 og til viðbótar þrengdum við að okkur á Eyravegi 9. Svona flutningar þýða mörg handtök og ómetanlegt hve kennarahópurinn er samhentur um að láta […]

Smiðjuvikan 13. – 17. maí, var mjög skemmtilegt uppbrot á kennsluna og batt um leið endahnútinn á vetrarstarfið. Þar leiddu nemendur og kennarar saman hesta sína í ýmsum ólíkum smiðjum og námskeiðum.

Ríkti mikil gleði og eftirvænting meðal nemenda og kennara og höfðu báðir hópar jafn gaman af, sem sjá má á myndum hér fyrir neðan 😊

/Helga Sighv.

Hér má sjá örlítið sýnishorn frá smiðjum vikunnar:

Latin-dans                          […]

Sigurrós Lilja Ragnarsdóttir lauk söngnámi við Tónlistarskóla Árnesinga 8. maí með opinberum framhaldsprófstónleikum, en tónleikarnir voru lokatónleikar hennar frá skólanum.

Lilja flutti fallega og fjölbreytta dagskrá og var klappað lof í lófa í lok tónleika, ásamt Margréti söngkennara hennar, Ester píanómeðleikara, Laufey Dóru söngfugli (dóttur Lilju) og sönghópi skólans.

/Helga Sighv.

Vínarbrauðstónleikar strengjadeildar voru haldnir í Árnesi 12. maí með fjölbreyttri dagskrá – sem endaði á kaffisamsæti nemenda, foreldra og kennara að vanda.

Þessir tónleikar eru alltaf stór hátíð í starfi strengjadeildar og voru tónleikarnir í ár engin undantekning þar á.

Hópurinn að afloknum tónleikum.

/Helga Sighv.

Vortónleikar og Suzuki-útskriftir hafa litað allan maímánuð, enda er vorið uppskerutími vetrarstarfsins.

Nemendur hafa komið fram hjá sínum kennurum á litlum tónleikum á Selfossi, Þorlákshöfn og Hveragerði.

Hér má sjá nokkrar myndir frá þessum líflegu tónleikum.

                  […]

Þematónleikadagur 20. apríl

Það var þétt dagskrá hjá kennurum og nemendum skólans, þegar haldnir voru sex þematónleikar á fjórum stöðum í Árnessýslu laugard. 20. apríl. Viðfangsefni tónleikanna var Eurovision-tónlist.

Það var gaman að sjá og heyra hve vel kennurum tókst að undirbúa þetta verkefni með nemendum sínum, þar sem nótur liggja ekki á lausu. Það var því undir kennurum komið að útbúa hæfilegt efni fyrri nemendur. Stundum reyndi líka á að búa til tengingu við efnið ef ekkert Eurovisionlag hentaði og mátti heyra t.d. önnur lög eftir ABBA, lög úr fyrri sönglagakeppnum innanlands, tónlistarstílar tengdir við þemað og margt fleira.

Kærar þakkir kennarar og […]

Framhaldsprófstónleikar Kristínu. 

Kristína G. Guðnadóttur lauk námi við Tónlistarskóla Árnesinga með opinberum tónleikum í Selfosskirkju þann 18. apríl.

Dagskráin var afskaplega falleg með verkum sem spönnuðu um 400 ár í tónlistarsögunni, eða allt frá 16. – 20. aldar.

Meðleikarar á tónleikunum voru Ester Ólafsdóttir á píanó og orgel, Eyjólfur Eyjólfsson (söngkennari Kristínu) á þverflautu, Uelle Hahndorf á selló, Guðmundur Pálsson og Zbigniew Zuchowicz á fiðlur og söngnemarnir Ingibjörg Álfrós Björnsdóttir, Jónína Eirný Sigurðardóttir og Aldís Þóra Harðardóttir.

Við óskum Kristínu góðs gengis á söngbrautinni!

       […]

Nótan 2024.

Þeir stóðu sig vel nemendur okkar sem komu fram á Nótunni (uppskeruhátíð tónlistarskóla á landsvísu) í Salnum í Kópavogi þann 13. apríl.

Hildur Kristín Hermannsdóttir lék eigin útsetningu á Pianoman eftir Billy Joel á píanó – og Valdís Jóna Steinþórsdóttir lék Rondo eftir Saint-Georges á sópranblokkflautu við píanóundirleik Björns Pálma Pálmasonar.

Dömurnar komu fram á þriðju og síðustu tónleikum dagsins og voru skólanum til mikils sóma.

Hér fyrir neðan má sjá myndir frá æfingu og tónleikum.

/Helga Sighv.