Mið- og framhaldsdeildartónleikar fóru fram 15. og 16. mars í Selfosskirkju. Það var reglulega gaman að sjá og heyra þennan kraftmikla hóp sem hefur öðlast færni og kunnáttu til að leika fjölbreytta og talsvert flóknari tónlist en geristi á fyrstu árum tónlistarnámsins.
Takk fyrir dásamlega tónleika kæru nemendur og kennarar 🙂
Flytjendur á miðdeildartónleikum Flytjendur á framhaldsdeildartónleikum
/Helga Sighv.
Sælir kæru nemendur og foreldrar
Aflýst er fyrirhuguðum þematónleikum sem vera áttu laugardaginn 11. febrúar (Þorlákshöfn kl. 10, Aratungu kl. 12:30, Hveragerði kl. 15 og Selfossi kl. 10, 12:30 og 15).
Á morgun er spáð sunnan- og suðvestan hvassvirði eða stormi 18 – 25 m/s, með snörpum vindhviðum við fjöll. Víða er að auki hálka eða hálkublettir á vegum. Af þessum sökum viljum við ekki taka þá áhættu að fólk lendi í óhöppum og aflýsum því tónleikunum.
Okkur þykir þetta mjög leitt, enda fjöldi nemenda og kennara búnir að undirbúa skemmtilega dagskrá. Takk fyrir allan undirbúninginn, en vonandi nýtast atriðin á næstu dögum og […]
Barnadjass – Námskeið Odd André
Laugardaginn 14. janúar sóttu nokkrir kennarar skólans námskeið um djasskennslu fyrir börn á aldrinum 9 – 11 ára, sem haldið var í húsnæði tónlistarskólans á Selfossi. Í lok námskeiðsins bættust 14 nemendur við (á ýmsum hljóðfærum) og fengu leiðsögn í að spila djass eftir eyranu og að spinna. Skemmtilegt námskeið sem gaf kennurum nokkur góð viðbótarverkfæri inn í kennsluna.
Kennari var Odd André Elveland, en hann mætti með einn nemanda frá Noregi og nokkra nemendur úr Mosfellsbæ, sem léku bæði fyrir kennarana og með nemendum á námskeiðinu.
[…]
Á hátíðarfundi Vísinda- og rannsóknarsjóðs Suðurlands í sal Fjölbrautaskóla Suðurlands þann 12. janúar 2023, var tilkynnt að Tónlistarskóli Árnesinga hefði hlotið Menntaverðlaun Suðurlands 2022, en níu tilnefningar bárust um menntaverðlaunin að þessu sinni.
Það var með miklu stolti sem skólastjórnendur Tónlistarskóla Árnesinga tóku við verðlaununum, úr hendi forseta Íslands.
Á viðurkenningaskjali stendur eftirfarandi:
„Menntaverðlaun Suðurlands 2022 hlýtur Tónlistarskóli Árnesinga fyrir að mennta nemendur sína á starfstöðvum víða í Árnessýslu og efla þá í að koma fram á hinum ýmsu viðburðum skólans. Verðlaunin eru einnig veitt fyrir kynningu kennara skólans á fjölbreyttum hljóðfærum fyrir nemendur grunnskóla í Árnessýslu á hverju vori. Með starfi sínu leggur […]
Starfsfólk Tónlistarskóla Árnesinga óskar nemendum og fjölskyldum þeirra gleðilegra jóla með þökkum fyrir árið sem er að líða.
Það er söngdeild Tónlistarskóla Árnesinga sem færir ykkur jólakveðjuna í ár, með laginu Jól eftir Jórunni Viðar, undir stjórn Margrétar S. Stefánsdóttur.
Sjá hér: Jólakveðja Tónlistarskóla Árnesinga 2022
Megi árið 2023 verða ykkur gæfuríkt – og farsælt á tónlistarbrautinni.
Myndir frá upptökum.
/Helga Sighv.
Það má segja að skólastarf hafi farið af stað með mikilum krafti í haust, því það sem af er vetri hafa yfir 100 viðburðir verið skráðir þar sem nemendur hafa komið fram.
Líflegast var tónleikahaldið í nóvember og desember, með átta deildatónleikum, stórtónleikum með lögum Gunnars Þórðarsonar á Laugarvatni, fjölda hausttónleika og Suzuki-útskriftartónleika, jólatónleikum Sinfóníuhljómsveitar Suðurlands í Selfosskirkju, jólatónleikum Sinfóníuhljómsveitar Íslands í Hörpu, jólaballi Suzukideildar og loks með jólaspilamennslu úti í samfélaginu í desember.
Það að komast aftur út í samfélagið með nemendum að leika jólalög og aðra fallega tónlist fyrir samborgarana var reglulega ánægjulegt, en viðkomustaðirnir voru fjölmargir. Má nefna hjúkrunarheimili, fundi […]
Það var sérlega ánægjulegt að hlýða á jólatónleika Sinfóníuhljómsveitar Suðurlands þann 10. desember í Selfosskirkju. Þar mátti heyra leik sinfóníuhljómsveitarinnar undir stjórn Guðmundar Óla Gunnarssonar, ásamt söng þriggja kóra Selfosskirkju (barna-, unglinga- og kirkjukórs) og einsöngvaranna Eyjólfs Eyjólfssonar og Hallveigar Rúnarsdóttur. Flutningur var vandaður og fagmennska og orka skein alls staðar í gegn. Á dagskrá voru jólalög úr ýmsum áttum, fjöldi þeirra í nýjum útsetningum Guðmundar Óla.
Það var með miklu stolti sem undirrituð hlýddi á tónleikana og ekki af ástæðulausu, því stjórnandi hljómsveitarinnar, kórstjórarnir Edit og Kolbrún og helmingur hljófæraleikaranna eru kennarar og nemendur við Tónlistarskóla Árnesinga. Aðrir flytjendur komu víða […]
Laugardaginn 19. nóvember stóð Tónlistarskóli Árnesinga fyrir stórtónleikum með lögum Gunnars Þórðarsonar, í íþróttahúsinu Laugarvatni. Hugmyndin að tónleikunum kviknaði sl. vetur, en þá var þema vetrarins Ást og gleði og féllu lög Gunnars vel að því viðfangsefni. Æfingar fóru af stað sl. vetur, en vegna covid gekk illa að halda úti samspils- og hljómsveitaæfingum. Tónleikarnir frestuðust því fram á haustið.
19. nóvember rann loks stóra stundin upp þegar um 130 nemendur og kennarar mættu á Laugarvatn og fluttu einnar og hálfrar klst. dagskrá fyrir um 300 áheyrendur. Það gladdi okkur mjög að Gunnar mætti sjálfur á tónleikana og gaf það tónleikunum enn […]
Deildatónleikar allra hljóðfæradeilda fóru fram í byrjun nóvember með fjölbreyttri og skemmtilegri dagskrá, sem saman stóð að mestu af ýmiskonar leik samspila og hljómsveita.
Nemendur stóðu sig afskaplega vel og dásamlegt að heyra þann þrótt og færni sem í nemendahópnum býr.
Meðfylgjandi eru nokkrar myndir frá tónleikum.
/Helga Sighv.
Október var mjög líflegur hvað tónleikahald varðar, því nemendur og kennarar T.Á. komu víða fram í tilefni menningarmánuðar í Árborg.
Má þar nefna trompet og orgelleik í Eyrarbakkakirkju, málmblásaratríó í Mathöllinni, söng og lútuleik í kvöldmessu og fiðlu-kósýstund í Selfosskirkju, söng- og rytmískasveit á Sviðinu í miðbæ Selfoss þar sem fram komu nemendur úr listaskólum í Árborg, hrekkjavöku-strengjastund á bókasafninu og blokkflautuleik á 170 ára afmælishátíð í Barnaskólanum á Stokkseyri.
Nemendum og kennurum eru færðar bestu þakkir fyrir góða þátttöku í dagskrá menningarmánaðarins.
/Helga Sighv.
[…]
