Tveir nemendur ljúka námi við Tónlistarskóla Árnesinga í vor með framhaldsprófi. Þetta eru þær Karolina Konieczna sem lýkur söngnámi og Sylvía Rossel sem lýkur blokkflautunámi.  Framhaldsprófi lýkur með opinberum tónleikum og fóru þeir fram 12. og 13. maí.

Karolina hélt söngtónleika í Selfosskirkju 12. maí. Ester Ólafsdóttir lék með á píanó, en að auki kom sönghópur tónlistarskólans fram og Anna María Konieczna söng með systur sinni.

Sylvía hélt blokkflaututónleika í Hveragerðiskirkju 13. maí. Meðleikarar hennar voru Guðjón Halldór Óskarsson á sembal og Uelle Hahndorf á selló. Að auki komu fram Daniel Cassidy á gítar, Hugrún Birna Hjaltadóttir á fiðlu, Kristín Jóh. Dudziak Glúmsdóttir […]

Sönghópur Tónlistarskóla Árnesinga tók þátt í tónleikum Sinfóníuhljómsveitar Íslands, sem haldnir voru föstudaginn 2. maí í íþróttahúsi FSu, Iðu.

Fjöldi kóra tók þátt í tónleikunum auk sönghóps skólans, en það voru: Jórukórinn, Karlakór Hveragerðis, Kirkjukór Selfosskirkju, Sunnlenskar raddir, Söngsveit Hveragerðis og Kirkjukór Hveragerðis- og Kotstrandarsóknar.

Hljómsveitarstjóri var Eva Ollikainen og einsöngvari Jóhann Kristinsson

Pallar íþróttahússins voru þéttsetnir og dýrmætt að sjá og heyra hljómsveitina, kórana og einsöngvarann flytja hvern gullmolann á fætur öðrum. – En mikið hefði verið gott að geta boðið upp á tónleikasal fyrir flutninginn.

/Helga Sighv.

Sinfóníuhljómsveit […]

Föstudaginn 2. maí heimsóttu tveir ungir og framúrskarandi píanóleikarar Tónlistarskóla Árnesinga og héldu tónleika í sal skólans.

Þetta voru þeir Aristo Sham og Tom Borrow sem báðir hafa unnið til verðlauna í fjölmörgum alþjóðlegum keppnum. Þeir Aristo og Tom komu svo fram í Listaháskóla Íslands daginn eftir, en það var Nína Margrét Grímsdóttir sem hélt utan um ferð þeirra til Íslands.

Tónleikarnir voru í einu orði sagt stórglæsilegir!

/Helga Sighv.

Tom Borrow          […]

Þann 1. maí tóku um 100 nemendur og kennarar Tónlistarskóla Árnesinga þátt í fjölskyldutónleikum með Sinfóníuhljómsveit Suðurlands í íþróttahúsi Vallaskóla, sem kölluðust „Burtu með fordóma“. Á tónleikunum komu líka fram um 80 leikskólabörn úr Árborg og tvíeykið Gunni og Felix sáu um kynningar og sungu. Stjórnandi tónleikanna var Guðmundur Óli Gunnarsson.

Á tónleikunum voru flutt alls konar lög sem áttu það öll sameiginlegt að hvetja til vináttu og samvinnu. Var það mikið ævintýri fyrir bæði nemendur og kennara að fá tækifæri til að taka þátt í þessu stóra verkefni með Sinfóníuhljómsveit Suðurlands. Nemendur voru allir til mikillar fyrirmyndar – augljóst að þeir […]

Tónlistarflutningur úti í samfélaginu

Auk hefðbundins tónleikahalds innan skólans fara nemendur alltaf af og til eitthvert út í samfélagið og leika á hinum ýmsu viðburðum. Má nefna að málmblásarahópur lék endurreisnartónlis í messu í Selfosskirkju 9. mars, píanó- og sellónemendur komu fram á samkomu eldri borgara í Reykholti 6. mars, söngnemendur á samkomu eldri borgara á Selfossi 20. mars og blokkflautunemandi kom fram á Margmála ljóðakvöldi í Listasafni Árnesinga 20. mars.

Með þessu móti nær skólinn að leggja til samfélagsins, nemendur fá æfingu í að koma fram og um leið verður það mikla starf sem fram fer innan tónlistarskólans, sýnilegt.

Hér fyrir neðan má […]

Mið- og framhaldstónleikar voru haldnir dagana 19. og 20. mars. Það er alltaf gaman að finna orkuna sem býr í þessum nemendahópum, því geta, leikni og sjálfsöryggi eru farin að skila sér í flutningnum og um leið verða verkefnin meira krefjandi. Nemendum, kennurum og meðleikurum eru færðar kærar þakkir fyrir allan undirbúninginn og ljúfar stundir 🙂

Hér fyrir neðan eru myndir frá mið- og framhaldsdeildartónleikunum.

Nemendur og kennarar að afloknum miðdeildartónleikum.   Nemendur, kennarar og meðleikarar í lok framhaldsdeildartónleika.

  […]

Dagana 7. – 10. mars sl. lagði blokkflautusveit Tónlistarskóla Árnesinga land undir fót og heimsótti Klaksvík í Færeyjum. Með ferðinni endurguldum við heimsókn frá mars í fyrra, þegar Laila Elisabeth Nielsen blokkflautukennari við tónlistarskólann í Klaksvík heimsótti okkur með hóp blokkflautu-, þverflautu- og píanónemenda, ásamt nokkrum foreldrum.

Snemma föstudags lögðu 10 nemendur, ásamt tveimur kennurum og sex foreldrum, af stað frá Selfossi. Síðdegis var hópurinn kominn til Klaksvíkur og strax drifinn í skemmtilega skoðunarferð, undir leiðsögn Hans Hjalta Skaale, um bæinn. Daginn eftir fékk hópurinn að kynnast Klaksvík enn betur og skoðaði m.a. menningarsalinn Varpið, róðrarhöllina og Christianskirkjuna með sína ótrúlega stóru […]

Það hefur verið fastur liður, að Hátíðarfundur Vísinda- og rannsóknarsjóðs Suðurlands sé opnaður með tónlistaratriði frá Tónlistarskóla Árnesinga.

Í ár, þann 12. febrúar sl, stigu á svið þrír söngnemendur, þær Karolina Konieczna, Auður Garðarsdóttir og Jónína Eirný Sigurðardóttir, ásamt Ester Ólafsdóttur píanóleikara. Fluttu þær lagið O Salutaris eftir F. Schubert, sem var mjög fallegt og gaf dagskránni hátíðlegan blæ.

Dagskrá var fjölbreytt með erindum, viðurkenningum og styrkveitingum og afhenti forseti Íslands Halla Tómasdóttir m.a. fjölskyldusviði Sveitarfélagsins Árborgar menntaverðlaun Suðurlands, vegna íslenskunámskeiða fyrir foreldra grunnskólabarna með erlendan bakgrunn.

[…]

Reglur vegna óveðurs og ófærðar

Skólasvæði Tónlistarskóla Árnesinga nær yfir alla Árnessýslu. Af þeim sökum getur verið misjafnt milli kennslustaða hvort kennsla falli niður eða ekki, bresti á óveður. Eftirfarandi reglur eru því hafðar að leiðarljósi:

1. Falli kennsla niður í grunnskóla vegna óveðurs eða ófærðar, fellur kennsla tónlistarskólans líka niður á sama grunnskólasvæði.
2. Komist nemandi ekki í kennslustund vegna óveðurs eða ófærðar, ber honum að tilkynna forföll.
3. Komist kennari ekki til kennslu vegna óveðurs eða ófærðar, tilkynnir tónlistarskólinn um forföll.

– – –

Nemendur og foreldrar eru beðnir um að fylgjast með veðurspá. – Öryggi fólks er í fyrirrúmi.

[…]