Þann 1. maí tóku um 100 nemendur og kennarar Tónlistarskóla Árnesinga þátt í fjölskyldutónleikum með Sinfóníuhljómsveit Suðurlands í íþróttahúsi Vallaskóla, sem kölluðust „Burtu með fordóma“. Á tónleikunum komu líka fram um 80 leikskólabörn úr Árborg og tvíeykið Gunni og Felix sáu um kynningar og sungu. Stjórnandi tónleikanna var Guðmundur Óli Gunnarsson.

Á tónleikunum voru flutt alls konar lög sem áttu það öll sameiginlegt að hvetja til vináttu og samvinnu. Var það mikið ævintýri fyrir bæði nemendur og kennara að fá tækifæri til að taka þátt í þessu stóra verkefni með Sinfóníuhljómsveit Suðurlands. Nemendur voru allir til mikillar fyrirmyndar – augljóst að þeir […]

Tónlistarflutningur úti í samfélaginu

Auk hefðbundins tónleikahalds innan skólans fara nemendur alltaf af og til eitthvert út í samfélagið og leika á hinum ýmsu viðburðum. Má nefna að málmblásarahópur lék endurreisnartónlis í messu í Selfosskirkju 9. mars, píanó- og sellónemendur komu fram á samkomu eldri borgara í Reykholti 6. mars, söngnemendur á samkomu eldri borgara á Selfossi 20. mars og blokkflautunemandi kom fram á Margmála ljóðakvöldi í Listasafni Árnesinga 20. mars.

Með þessu móti nær skólinn að leggja til samfélagsins, nemendur fá æfingu í að koma fram og um leið verður það mikla starf sem fram fer innan tónlistarskólans, sýnilegt.

Hér fyrir neðan má […]

Mið- og framhaldstónleikar voru haldnir dagana 19. og 20. mars. Það er alltaf gaman að finna orkuna sem býr í þessum nemendahópum, því geta, leikni og sjálfsöryggi eru farin að skila sér í flutningnum og um leið verða verkefnin meira krefjandi. Nemendum, kennurum og meðleikurum eru færðar kærar þakkir fyrir allan undirbúninginn og ljúfar stundir 🙂

Hér fyrir neðan eru myndir frá mið- og framhaldsdeildartónleikunum.

Nemendur og kennarar að afloknum miðdeildartónleikum.   Nemendur, kennarar og meðleikarar í lok framhaldsdeildartónleika.

  […]

Dagana 7. – 10. mars sl. lagði blokkflautusveit Tónlistarskóla Árnesinga land undir fót og heimsótti Klaksvík í Færeyjum. Með ferðinni endurguldum við heimsókn frá mars í fyrra, þegar Laila Elisabeth Nielsen blokkflautukennari við tónlistarskólann í Klaksvík heimsótti okkur með hóp blokkflautu-, þverflautu- og píanónemenda, ásamt nokkrum foreldrum.

Snemma föstudags lögðu 10 nemendur, ásamt tveimur kennurum og sex foreldrum, af stað frá Selfossi. Síðdegis var hópurinn kominn til Klaksvíkur og strax drifinn í skemmtilega skoðunarferð, undir leiðsögn Hans Hjalta Skaale, um bæinn. Daginn eftir fékk hópurinn að kynnast Klaksvík enn betur og skoðaði m.a. menningarsalinn Varpið, róðrarhöllina og Christianskirkjuna með sína ótrúlega stóru […]

Það hefur verið fastur liður, að Hátíðarfundur Vísinda- og rannsóknarsjóðs Suðurlands sé opnaður með tónlistaratriði frá Tónlistarskóla Árnesinga.

Í ár, þann 12. febrúar sl, stigu á svið þrír söngnemendur, þær Karolina Konieczna, Auður Garðarsdóttir og Jónína Eirný Sigurðardóttir, ásamt Ester Ólafsdóttur píanóleikara. Fluttu þær lagið O Salutaris eftir F. Schubert, sem var mjög fallegt og gaf dagskránni hátíðlegan blæ.

Dagskrá var fjölbreytt með erindum, viðurkenningum og styrkveitingum og afhenti forseti Íslands Halla Tómasdóttir m.a. fjölskyldusviði Sveitarfélagsins Árborgar menntaverðlaun Suðurlands, vegna íslenskunámskeiða fyrir foreldra grunnskólabarna með erlendan bakgrunn.

[…]

Reglur vegna óveðurs og ófærðar

Skólasvæði Tónlistarskóla Árnesinga nær yfir alla Árnessýslu. Af þeim sökum getur verið misjafnt milli kennslustaða hvort kennsla falli niður eða ekki, bresti á óveður. Eftirfarandi reglur eru því hafðar að leiðarljósi:

1. Falli kennsla niður í grunnskóla vegna óveðurs eða ófærðar, fellur kennsla tónlistarskólans líka niður á sama grunnskólasvæði.
2. Komist nemandi ekki í kennslustund vegna óveðurs eða ófærðar, ber honum að tilkynna forföll.
3. Komist kennari ekki til kennslu vegna óveðurs eða ófærðar, tilkynnir tónlistarskólinn um forföll.

– – –

Nemendur og foreldrar eru beðnir um að fylgjast með veðurspá. – Öryggi fólks er í fyrirrúmi.

[…]

Samstarfsverkefni Flóahrepps, Flóaskóla og Tónlistarskóla Árnesinga. Tónlistarskólinn kennir í flestum grunnskólum Árnessýslu og hafa þá nemendur tækifæri til að sækja tónlistarkennslu á skólatíma. Þetta getur í mörgum tilvikum verið eini möguleiki nemendanna til hljóðfæranáms, þar sem þau eru bundin af akstri skólabíla og ekki mögulegt að skutlast með börnin lengri vegalegndir eftir skóla. Í Flóaskóla hefur verið kennt á hljóðfæri um árabil, en vegna kennaraskipta féll þessi kennsla niður sl. tvö ár. Með sameiginlegu átaki sveitarfélags, grunnskóla og tónlistarskóla er tónlistarkennslu í Flóaskóla nú ýtt aftur úr vör frá 1. febrúar. Boðið er upp á píanónám á skólatíma og var aðsókn […]

Hljóðfærakynningar komnar í gang. Tónlistarskólinn heimsækir (fimm sinnum á vorönn) alla nemendur í 2. bekk í grunnskólum Árnessýslu. Í þessum heimsóknum fá nemendur kynningu á hinum ýmsu hljóðfærum sem læra má á. Þau fá upplýsingar um sögu hljóðfæranna, heyra leikið á hljóðfærin og svo syngjum við alltaf nokkur lög saman. Deildarstjórar ásamt fagkennurum halda utan um kynningarnar, sem eru í allt 60 talsins.

/Helga Sighv.

Á meðfylgjandi myndum má sjá kynningu á rytmískum hljóðfærum og klassískum gítar, fyrir nemendur í Vallaskóla.

Starfsfólk Tónlistarskóla Árnesinga óskar nemendum og fjölskyldum þeirra gleðilegra jóla með þökkum fyrir árið sem er að líða.

Jólalag 2024 er Nú er glatt í döprum hjörtum eftir Wolfgang Amadeus Mozart, í útsetningu Jóhanns I. Stefánssonar.

Söng-, blokkflautu- og trommunemendur ásamt kennurum, flytja jólakveðjuna í ár.

Sjá hér: https://fb.watch/wEUW-iL9k_/

Kastljósinu í ár er beint að nýja sembalnum sem keyptur var sl. vor frá Hollandi (fyrirmyndin Klinkhammer-semball frá um 1700).

Við reynum að þessu sinni að skapa hljóðheim frá fyrri öldum með tónlistar- og hljóðfæravali. – Njótið vel!

/Helga Sighv.