Námskeiðahald með nemendum

Auk hefðbundinnar kennslu standa nemendum oft til boða, námskeið af ýmsu tagi. Má þar nefna Suzuki-námskeið og upprifjunardagar, meistaranámskeið og landsmót blásara- og strengjasveita með alls konar námskeiðahaldi.

Nýverið voru haldin tvö skemmtileg og fræðandi námskeið í tónlistarskólanum.

Þann 14. mars var haldið  námskeið í tali og tónum, um rytmíska tónlist fyrir nemendur í rytmísku, gítar- og fiðlunámi. Námskeiðið var í umsjón Björns Thoroddsen, Unnar Birnu Björnsdóttur, Skúla Gíslasonar og Sigurgeirs Skafta Flosasonar. Kynntu þau ýmsar tónlistartegundir, léku nokkur lög og ræddu við nemendur um tónlistina og framkomu á tónleikum og svöruðu spurningum áheyrenda.

Þann 18. mars var svo haldið fræðsluerindi með nemendum í framhaldsnámi um ýmsa tónlistartengda möguleika varðandi nám og störf. Gestir fundarins voru Elín Anna Ísaksdóttir fag- og verkefnastjóri Listaháskóla Íslands og tveir nemendur LHÍ. Kynntu gestirnir þá fjölmörgu námsmöguleika sem bjóðast innan tónlistardeildar Listaháskólans og svöruðu spurningum nemenda og kennara. – Að auki var nemendum bent á enn fleiri möguleika sem tónlistarleg þekking getur opnað varðandi nám og störf.

Nálgast má upplýsingar á heimasíðu Tónlistarskóla Árnesinga, www.tonar.is: “TÓNLIST – möguleikar – nám og starf

 

Meðfylgjandi eru myndir frá rytmíska námskeiðinu 14. mars og mynd af Elínu Önnu (af vef Listaháskóla Íslands).

2019-03-20T16:43:54+00:00
Þessi vefur notar vafrakökur (cookies) til að tryggja sem besta upplifun þegar hann er skoðaður. Þessi borði hverfur þegar þú samþykkir notkun. Þú getur breytt stillingum á kökum hvenær sem er. Í lagi