LÖG GUNNARS ÞÓRÐARSONAR Tónleikar í íþróttahúsinu Laugarvatni 19. nóvember 2022, kl. 14:00   Tónlistarskóli Árnesinga stendur fyrir stórtónleikum á Laugarvatni, laugard. 19. nóvember, þar sem flutt verða lög Gunnars Þórðarsonar. Þetta er í þriðja sinn sem skólinn setur upp svo stórt samstarfsverkefni hljóðfæra- og söngdeilda, en árið 2016 var viðfangsefnið Töfraflauta Mozarts og árið 2019 var sett upp Allskynsóperan með tónlist úr ýmsum áttum. Nú er komið að lögum Gunnars Þórðarsonar sem hafa fylgt íslensku þjóðinni í áratugi, en fram koma söngvarar, píanóleikarar, strengja-, blásara-, gítar-, blokkflautu- og rytmískar hljómsveitir skipaðar bæði nemendum og kennurum. Alls eru flytjendur um 130 talsins. [...]

Söngdeildartónleikar Tónlistarskóla Árnesinga verða haldnir í Hveragerðiskirkju fimmtud. 8. desember kl. 17:00 Fjölbreytt dagskrá í flutningi einsöngvara, sönghópa og söngfugla. Aðgangur er ókeypis og allir hjartanlega velkomnir!

Jólaspilamennska. Síðustu tvo kennsludaga fyrir jólafrí (19. og 20. desember) fellur niður hefðbundin kennsla, en í staðinn fara kennarar með nemendur sína út í samfélagið og leika jólalög og aðra fallega tónlist fyrir unga sem aldna samborgara. Það er hefð fyrir því að umbreyta kennslu síðustu tveggja kennsludaga fyrir jólafrí í spilamennsku úti í bæ. Kennarar flögra þá með nemendur sína út í samfélagið og leika fyrir fólk á öllum aldri. Má nefna hjúkrunar- og elliheimili, samkomur félagasamtaka, verslanir, leikskóla og þátttöku í litlu-jólum grunnskólanna. Því miður náum við ekki að fara með alla okkar nemendur svona út í bæ, en kennarar [...]

Miðdeildartónleikar verða haldnir í Selfosskirkju 15. mars, kl. 18:00. Á tónleikunum koma fram nemedur sem lokið hafa grunnprófi. Efnisskrá tónleikanna er fjölbreytt og gaman að sjá hve góðum tökum nemendur hafa náð á sín hljóðfæri, þegar hér er komið í tónlistarnáminu. Aðgangur að tónleikunum er ókeypis og allir hjartanlega velkomnir!

Framhaldsdeildartónleikar verða haldnir í Selfosskirkju 16. mars, kl. 18:00. Á tónleikunum koma fram nemendur sem lokið hafa miðprófi. Efnisskrá tónleikanna er fjölbreytt og gaman að sjá hve góðum tökum nemendur hafa náð á sín hljóðfæri, þegar hér er komið í tónlistarnáminu. Aðgangur að tónleikunum er ókeypis og allir hjartanlega velkomnir!

Í síðustu viku marsmánaðar brjótum við upp hefðbundna kennslu og bjóðum nemendum okkar upp á alls konar námskeið eða smiðjur í staðinn.   Miðað er við að: Nemendur í hálfu námi sæki a.m.k. 1 klst. smiðju Nemendur í heilu námi sæki a.m.k. 2 klst. af smiðjum. - Nemendur sæki a.m.k. eina smiðju í heimasveit, en geta valið til viðbótar smiðju eftir óskum/áhugasviði.   Skráning í smiðjur fer fram í gegnum kennara, en HÉR má sjá hvaða smiðjur eru í boði á hverjum kennslustað og hvenær. (Hver kennslustaður er í sér flipa). Upplýsingar um viðfangsefni hverrar smiðju má sjá með því að setja [...]

Páskafrí 1. – 11. apríl. ATH. að páskafrí tónlistarskólans er einum degi lengra en hjá grunnskólunum. Kennsla hefst aftur eftir páskafrí miðvikudaginn 12. apríl.

Kennsla fellur niður 20. og 21. apríl Fimmtud. 20. apríl - Sumardagurinn fyrsti Föstud. 21. apríl – Frídagur í tónlistarskólanum vegna styttingar vinnutíma

Öll kennsla fellur niður á Verkalýðsdaginn 1. maí.

Hildur Tanja Karlsdóttir lýkur framhaldsprófi í fiðluleik frá Tónlistarskóla Árnesinga með opinberum tónleikum í Hveragerðiskirkju 15. maí kl. 18:00                            Hvetjum við Sunnlendinga til að nýta sér þetta góða tækifæri til að hlýða á glæsilega tónleika, enda liggur mikil vinna að baki þegar kemur að útskrift frá skólanum. Á dagskrá eru verk eftir Bach, Mozart, Prokofiev, Grieg og Williams. Meðleikarar: Miklós Dalmay píanó og Elísabet Anna Dudziak fiðla. Aðgangur að tónleikunum er ókeypis og allir hjartanlega velkomnir!