Events

Fræðslufundur fyrir nemendur í framhaldsnámi um náms- og starfsmöguleika tengda tónlist. Haldinn mánud. 18. mars kl. 18:30 – 19:30 í sal skólans að Eyravegi 9, Selfossi.   Gestur fundarins er Elín Anna Ísaksdóttir fag- og verkefnastjóri Listaháskóla Íslands. Elín Anna kynnir námið í LHÍ, en að auki verður bent á enn fleiri möguleika sem nemendum með tónlistarlega þekkingu býðst varðandi nám og störf.

Miðdeildartónleikar verða haldnir mánud. 25. mars  í sal skólans Eyravegi 9 Selfossi.   Þátttaka er mjög góð í ár og verða að þessu sinni haldnir tvennir tónleikar: Fyrri tónleikarnir kl. 18:30 Seinni tónleikarnir kl. 19:45   Á tónleikunum koma fram nemendur sem lagt hafa að baki fyrsta hluta tónlistarnáms síns. Miðdeildartónleikar eru alltaf metnaðarfullir og fjölbreyttir. Gefst Sunnlendingum gott tækifæri til að skyggnast inn í öfluga starfsemi skólans. Aðgangur er ókeypis og öllum opinn

Framhaldsdeildartónleikar verða haldnir þriðjud. 26. mars kl. 20:00 í sal skólans Eyravegi 9 Selfossi.   Á tónleikunum leika nemendur sem nálgast námslok við skólann. Framhaldsdeildartónleikar eru alltaf metnaðarfullir og fjölbreyttir. Gefst Sunnlendingum gott tækifæri til að skyggnast inn í öfluga starfsemi skólans. Aðgangur er ókeypis og öllum opinn

Prófadagar 1. – 3. apríl Á prófadögum fellur niður öll hefðbundin kennsla í tónlistarskólanum. Þeir nemendur sem taka próf fá upplýsingar um prófatíma hjá sínum kennurum. - Nemendur sem taka samræmd áfangapróf (grunnpróf, miðpróf og framhaldspróf) taka próf á Selfossi, en önnur próf fara yfirleitt fram í heimabyggð.  

Fjáröflunartónleikar Suzuki-blokkflautunemenda verða sunnud. 7. apríl kl. 16:00 í sal tónlistarskólans Eyravegi 9 á Selfossi.   Safnað er fyrir námsferð til Malvern á Englandi í sumar. Á tónleikunum verða seldar vöfflur, kaffi og heitt kakó.   Allir hjartanlega velkomnir

Páskafrí verður dagana 13. - 22. apríl. Kennsla hefst aftur eftir páskafrí þriðjud. 23. apríl.

Sumardaginn fyrsta fellur niður öll kennsla í tónlistarskólanum.

Umsóknir fyrir næsta vetur. Umsóknarfrestur nemenda í námi er til 1. maí 2019. Sótt er um í gegnum foreldragátt á heimsíðu skólans www.tonar.is (eða í nemendaskrá https://schoolarchive.is/innskraning) Sjá nánar hér: Dreifibréf Umsókn eldri nema 2019  

Píanó-hringekjuhátíð verður haldnir í Hveragerðiskirkju mánud. 6. maí kl. 17:00 – 19:00. Byrjendur og þeir sem stefna að 1. stigi í píanóleik hafa í vetur fengið tækifæri til að æfa saman fjórhent og sexhent lög í verkefni sem kallast Hringekjan. Hugmyndin með hringekjunni er sú að gefa píanónemendum möguleika á að upplifa þann sterka félagslega þátt sem fylgir hljómsveitastarfi og samspili nemenda á hljóðfæri. Komu nokkrar píanó-hringekjur fram á svæðistónleikum á Degi tónlistarskólanna í febrúar og léku lagasyrpur sem tókust afskaplega vel. Lokaþáttur verkefnisins verður uppsekruhátíð Hrinekjunnar 6. maí í Hveragerði. Fær allur hópurinn tækifæri til að æfa og leika saman, [...]

Framhaldspróftónleikar Unnur Þórisdóttir syngur á framhaldsprófstónleikum í Selfosskirkju, fimmtud. 9. maí kl. 18:00. Með tónleikunum lýkur Unnur söngnámi frá Tónlistarskóla Árnesinga. Á dagskrá eru m.a. verk eftir Pál Ísólfsson, Bach, Brahms, Mozart og Schubert.   Meðleikur á píanó: Einar Bjartur Egilsson Aðrir flytjendur: Kolbrún Björk Ágústsdóttir þverflauta, Arnar Gísli Sæmundsson söngur og Sönghópur.   Aðgangur að tónleikunum er ókeypis og allir hjartanlega velkomnir.