Sönghópur Tónlistarskóla Árnesinga tekur þátt í tónleikum Sinfóníuhljómsveitar Íslands, sem haldnir verða föstudaginn 2. maí kl. 19:00 í íþróttahúsi FSu, Iðu. Aðgangur er ókeypis og öllum opinn! Efnisskrá Giuseppe Verdi: Luisa Miller, forleikur Giuseppe Verdi: Di Provenza úr La Traviata Atli Heimir Sveinsson: Kvæðið um fuglana Sigvaldi Kaldalóns: Ave María Richard Wagner: Aría Wolframs úr Tannhäuser Gioachino Rossini: Largo al factotum úr Rakaranum í Sevilla Ludwig van Beethoven: Sinfónía nr. 5 í c-moll, Örlagasinfónían Hljómsveitarstjóri: Eva Ollikainen Einsöngvari: Jóhann Kristinsson Kórar Jórukórinn Karlakór Hveragerðis Kirkjukór Selfosskirkju Sunnlenskar raddir Söngsveit Hveragerðis og Sönghópur Tónlistarskóla Árnesinga Kirkjukór Hveragerðis- og Kotstrandarsóknar

Vikuna 12. – 16. maí stokkum við upp alla hefðbundna kennslu. Í stað hefðbundinna kennslustunda sækja nemendur smiðjur/námskeið sem kennarar skólans sjá um. Miðað er við að nemendur sæki eina til tvær smiðjur. (Nemendur í hálfu námi sæki a.m.k. 1 klst. smiðju og nemendur í heilu námi 2 klst. smiðju).   Í pósti til nemenda/foreldra 7.5.2025 er smiðjudagatal fyrir vikuna 12. - 16. maí. Í dagatalinu má sjá hvaða smiðjur eru í boði á hverjum kennslustað og hvenær þær eru. ATH. að kennarar sjá um að skrá í smiðjurnar.  Góða skemmtun í smiðjuvikunni 😊

Karolina Konieczna lýkur söngnámi við Tónlistarskóla Árnesinga með framhaldsprófstónleikum í Selfosskirkju mánud. 12. maí kl. 18:00. Með Karolinu koma fram Ester Ólafsdóttir sem leikur á píanó og sönghópur Tónlistarskóla Árnesinga undir stjórn Margrétar S. Stefánsdóttur. Fjölbreytt og skemmtileg söngdagskrá með íslenskum og erlendum lögum. Aðgangur er ókeypis og öllum opinn!

Sylvía Rossel lýkur blokkflautunámi við Tónlistarskóla Árnesinga með framhaldsprófstónleikum í Hveragerðiskirkju þriðjud. 13. maí kl. 18:00. Með Sylvíu koma fram Guðjón Halldór Óskarsson sem leikur á sembal; og Blokkflautusveitir Tónlistarskóla Árnesinga undir stjórn Kristínar Jóhönnu Dudziak Glúmsdóttur og Helgu Sighvatsdóttur. Fjölbreytt og skemmtileg dagskrá með tónlist allt frá endurreinsnartímanum til dagsins í dag, íslensk og erlend. Aðgangur er ókeypis og öllum opinn!