Events

Hausttónleikar Vikuna 24. – 29. nóvember verða haldnir hausttónleikar hvers kennara, þar sem afrakstur haustannar fær notið sín, áður en jólalögin taka við. Allar nánari upplýsingar um stund og stað fáið nemendur hjá sínum kennara.

Jólaspilamennska. 18. og 19. desember er kennsla óhefðbundin. Í stað kennslu þessa daga, fara kennarar með nemendur (eftir því sem við verður komið) út í samfélagið að leika jólalög og aðra fallega tónlist fyrir samborgarana. Sú spilamennska fer oft fram á öðrum dögum í desember, eða allt eftir því hvenær hægt er að heimsækja t.d. hjúkrunarheimili, leikskóla, verslanir, viðburði og annað sem óskað hefur verið eftir. Þá taka margir nemendur og kennarar tónlistarskólans virkan þátt í Litlu-jólum grunnskólanna þessa daga og leika undir dansi í kringum jólatré.

Jólafrí Tónlistarskóla Árnesinga stendur frá 20.12.2025 til 5.1.2026. - mánud. 5. janúar 2026 er frí vegna starfsdags kennara, - þriðjud. 6. janúar 2026 hefst kennsla á ný samkvæmt stundaskrá.

Þriðjud. 6. janúar 2026 hefst kennsla á ný eftir jólafrí, samkvæmt stundaskrá.

Foreldraheimsóknavikan 12. – 16. janúar Í þessum formlegu heimsóknartímum er farið yfir miðsvetrarmatið, sem er núna aðgengilegt í SpeedAdmin. Þá er líka horft fram á veginn og markmið vorannar skoðuð. Hvaða tónleikahald er framundan, er stefnt á próf eða ekki (kennari metur hvenær nemandi er tilbúinn til að taka næsta stig), hvað gengur vel og hvað verið er að vinna með þessa stundina. * Auk þess að mæta í þessa formlegu heimsóknartíma eru foreldrar alltaf velkomnir í tíma og þurfa ekki að gera boð á undan sér.

Svæðistónleikar 9. – 13. febrúar Í febrúar höldum við nokkra svæðaskipta tónleika í tilefni af Degi tónlistarskólanna (sem er 7. febrúar). Viðfangsefni þessara tónleika er Dýrin okkar. - Þeir nemendur sem taka þátt, fá upplýsingar hjá kennurum.   Tónleikarnir verða sem hér segir: Mán. 9.2.2026 – Skálholtskirkja kl. 18:00 (nemendur úr Uppsveitum) Þri.  10.2.2026 – Hveragerðiskirkja kl. 18:00 (nemendur úr Hveragerði og Ölfusi) Mið. 11.2.2026 – Stekkjaskóli kl. 17:00 (nemendur úr Árborg + Flóa) Mið. 11.2.2026 – Stekkjaskóli kl. 18:30 (nemendur úr Árborg + Flóa) Fim. 12.2.2026 – Stekkjaskóli kl. 18:00 (nemendur úr Árborg + Flóa) Fös. 13.2.2026 – Þorlákskirkja kl. [...]

Kennsla fellur niður miðvikud. 18. febrúar vegna starfsdags kennara. Daginn nýta kennarar til undirbúnings vorannar, með fundum og námskeiðum.

Öll kennsla fellur niður í tónlistarskólanum vikuna 23. – 27. febrúar. 23.– 24. febrúar eru samræmdir frídagar við stærstu grunnskóla Árnessýslu og FSu, en 25. – 27. febrúar eru frídagar vegna styttingar vinnutíma tónlistarskólakennara.

Af vef ráðningarstofunnar www.mognum.is SKÓLASTJÓRI TÓNLISTARSKÓLA ÁRNESINGA - 50skills - - - SKÓLASTJÓRI TÓNLISTARSKÓLA ÁRNESINGA Árborg - Fullt starf Umsóknarfrestur: 14.04.2026 Tónlistarskóli Árnesinga leitar að öflugum leiðtoga til að stýra faglegu starfi og rekstri eins stærsta og umsvifamesta tónlistarskóla landsins. Skólastjóri ber ábyrgð á faglegu starfi, daglegum rekstri og þróun skólans og leiðir öflugt teymi starfsfólks. Helstu verkefni og ábyrgð Stjórnun og ábyrgð á daglegum rekstri og starfsemi skólans Leiða faglegt starf skólans og stuðla að áframhaldandi þróun tónlistarnáms Mannauðs- og launamál Samskipti við sveitarfélög, grunnskóla og aðra samstarfsaðila Áætlanagerð og upplýsingagjöf Vinna með starfsmönnum skólans að stefnumótun og þróun starfseminnar Ýmis [...]

Framhaldsdeildartónleikar verða haldnir mánudaginn 16. mars kl. 18:15 í Hveragerðiskirkju. Flytjendur hafa allir lokið miðprófi (5. stigi) á sitt hljóðfæri. Dagskrá er fjölbreytt og gaman að fylgjast með leikni nemendanna þegar hér er komið í námi. Aðgangur er ókeypis - Verið öll hjartanlega velkomin!