Kennsla hefst 29. ágúst 2022
Hljóðfæra- og söngkennsla hefst 29. ágúst.
Kennarar hafa samband við nemendur sína á starfsdögum 22. – 26. ágúst vegna stundatöflugerðar.
Skrifstofan opnar 8. ágúst
Skrifstofa Tónlistarskóla Árneinga opnar eftir sumarleyfi, mánudaginn 8. ágúst kl. 13:00.
Strengjanemendur léku í Tívolí í Kaupmannahöfn
Fjórir fiðlunemendur Tónlistarskóla Árnesinga sóttu stutt hnitmiðað námskeið í Kaupmannahöfn í lok maí, ásamt tveimur nemendum úr MÍT og einum frá Tónskóla Sigursveins. Var námskeiðið undanfari árlegra vortónleika „Det danske Suzuki Institut” sem haldnir eru í Tívólí-tónleikasalnum í Kaupmannahöfn.
Tveir kennarar fylgdu íslenska hópnum, þau Guðmundur Kristmundsson og Greta Guðnadóttir fiðluleikari. Gefum Guðmundi orðið:
Eftir æfingar hér heima var haldið til Kaupmannahafnar þar sem sameinuðust nemendur frá Danmörku, Póllandi og Úkraínu. Æft var stíft daglangt 26. – 27. maí í “Músikhúsinu”, geysifallegu tónleikahúsi frá 18. öld sem staðsett er í miðborg Kaupmannahafnar. Þar er fjöldi sala af ýmsum stærðum og greinilegt að tónlistin […]
Tónlistarkennarar planta í Hafnarskógi
Kennarar tónlistarskólans luku skólaárinu 2021 – 2022 með því að planta 3.360 birkiplöntum í Hafnarskóg í Ölfusi.
Það var 11 manna hópur vaskra kennara sem kom plöntunum í jörð undir dyggri leiðsögn Hrannar frá skógræktinni.
/Helga Sighv.
Hjörtur lætur af störfum
Hjörtur B. Hjartarson fór á eftirlaun í vor, eftir 30 ára starf við skólann. Fjöldi nemenda hefur notið leiðsagnar Hjartar á kennsluferlinum, enda hefur hann kennt á fjölmörg hljóðfæri og á mörgum kennslustöðum skólans.
Þökkum við Hirti innilega fyrir öll árin sem hann léði Tónlistarskóla Árnesinga krafta sína.
Meðfylgjandi myndir eru frá skólaslitum í Kerhólsskóla og á Stokkseyri í vor, þar sem Hjörtur kom fram ásamt nemendum sínum.
Vortónleikar og skólaslit loks aftur með hefðbundnu sniði
Vortónleikar og skólaslit voru loks aftur haldin með hefðbundnu sniði núna í vor.
Eftir tveggja ára hlé fengu nemendur aftur að láta ljós sitt skína og foreldrar og aðrir aðstandendur að heyra allt það blómlega starf sem hefur verið hulið á covid-timanum.
Alls voru haldnir um 30 vortónleikar og Suzuki-útskriftir um alla Árnessýslu og 10 skólaslit (þ.e. á öllum kennslustöðum skólans) og ekki hægt að segja annað en að það hafi verið líf og fjör þessar síðustu vikur skólaársins. Nemendur stóðu sig með mikilli prýði og voru sér og kennurum sínum til mikils sóma.
Með myndunum hér fyrir neðan má fá örlitla innsýn í […]
Framhaldsprófstónleikar Arnars Gísla og Elísabetar Önnu
Tveir nemendur útskrifuðust frá Tónlistarskóla Árnesinga í vor með framhaldspróf – og héldu tilheyrandi tónleika sem báðir fóru fram í Hveragerðiskirkju. Tónleikar beggja útskriftarnemendanna voru afskaplega glæsilegir og skemmtilegir. Áheyrendur sem fylltu Hveragerðiskirkju, klöppuðu nemendum og öðrum flyjendum lof í lófa í lok tónleikanna.
Þriðjud. 17. maí hélt Arnar Gísli Sæmundsson söngtónleika, en aðrir flytjendur voru Ester Ólafsdóttir píanómeðleikari og sönghópur undir stjórn Margrétar S. Stefánsdóttur, sem jafnframt var söngkennari Arnars Gísla.
Fimmtud. 19. maí hélt Elísabet Anna Dudziak, fiðlutónleika. Aðrir flytjendur voru Miklós Dalmay píanómeðleikari, Hildur Tanja Karlsdóttir og Eyrún Huld Ingvarsdóttir fiðluleikarar. Fiðlukennari Elísabetar Önnu […]
Umsóknir nýnema um skólavist 2022 -2023
Nú er rétti tíminn til að sækja um nám fyrir nýnema veturinn 2022-2023.
Umsóknina finnið þið undir hnappinum UMSÓKN UM SKÓLAVIST, efst á heimsíðunni.
Athugið að sækja má um skólavist allt árið.
Þeir sem sækja um fyrir 1. júní eru í fyrsta hópnum sem tekinn er inn, en við bætum áfram við nemendum eftir því sem rúm leyfir.
Nánari upplýsingar t.d. um kennslugreinar, skólagjöld og kennslustaði má finna hér: Dreifibréf 2022
Vínarbrauðstónleikar strengjadeildar fyrir fullu húsi
Vínarbrauðstónleikar strengjadeildar fóru fram í Félagsheimilinu Árnesi sunnud. 1. maí. Á þessum skemmtilegu tónleikum komu fram báðar strengjasveitir skólans, sellóhópur og allir starfandi fiðlu-, víólu- og selló-Suzukihópar. Eldri strengjasveit hefur haft samstarf við aðra tónlistarskóla í vetur og léku því nemendur úr Tónlistarskóla Rangæinga, Tónskóla Sigursveins og Allegro Suzukitónlistarskólanum með hljómsveitinni.
Vínarbrauðstónleikar hafa átt fastan sess í tónleikahaldi skólans og voru þetta 20. vínarbrauðstónleikar strengjadeildar. – Heilmikil tónlistarhátíð sem endaði að vanda með vínarbrauði og öðru kruðeríi í dagskrárlok.
[…]
Skólaheimsókn frá Snæfellsbæ og námskeið
Föstudaginn 22. apríl fékk Tónlistarskóli Árnesinga ánægjulega heimsókn frá Tónlistarskóla Snæfellsbæjar. Á ferð voru skólastjóri, kennarar, eldri söngnemendur og nokkrir makar á ferð um Suðurland. Margrét S. Stefánsdóttir söngkennari Tónlsk. Árn. hélt söngnámskeið fyrir gestina þar sem unnið var með tækniæfingar, raddbeytingu o.fl. Þrír nemendur Margrétar sungu og gáfu sýnishorn um þau atriði sem unnið var með. Að lokum fengu gestirnir stuttan fyrirlestur um starfsemi Tónlistarskóla Árnesinga.
Samstarf tónlistarskóla er alltaf mjög gefandi. Heimsóknir og upplýsingagjöf, námskeiðahald, samæfingar hljómsveita og samspilshópa, æfingabúðir o.fl. Allt eflir þetta starf skólanna og gefur nemendum og kennurum færi á að upplifa og læra eitthvað nýtt. Samstarf […]