Það var lítið um hefðbundna jólaspilamennsku í desember vegna Covid. Samt sem áður náðum við mjög skemmtilegu verkefni með um 60 nemendum og kennurum þann 16. desember þegar fram fóru upptökur á jólakveðju Tónlistarskóla Árnesinga 2021. Vegna fjöldatakmarkana var nemendum skipt í fimm hæfilega stóra hópa sem teknir voru upp hver fyrir sig.

Margir kennarar undirbjuggu nemendur og aðstoðuðu við upptökur.

Með jólakveðju Tónlistarskóla Árnesinga sendum við nemendum og fjölskyldum þeirra óskir um gleðileg jól og gott nýtt ár.

Takk fyrir allar góðar stundir á árinu sem er að líða 😊

Jólakveðjan er undir þessari slóð: Jólakveðja Tónlistarskóla Árnesinga

[…]

Tónleikahald í nóvember hefur verið mjög líflegt og skemmtilegt, þó fresta hafi þurft stærstu viðburðum haustannar eins og strengja- og söngdeildatónleikum.

Fyrstu tónleikar haustsins voru rytmískir deildartónleikar þann 5. nóvember. Svo hafa tekið við hverjir tónleikarnir á fætur öðrum, bæði hausttónleikar kennaranna og deildatónleikar.

Það hefur verið dásamlegt að fá tækifæri til að heyra aftur í nemendunum og sjá hvað kennarar hafa náð góðum árangri með nemendum sínum. Efnisskrár tónleikanna hafa verið mjög fjölbreyttar og nemendur staðið sig afskaplega vel.

Til hamingju bæði nemendur og kennarar!

[…]

Fyrstu tónleikar haustsins voru rytmískir deildartónleikar, haldnir í sal skólans á Selfossi þann 5. nóvember. Efnisskráin var mjög fjölbreytt, en fram komu nokkur rytmísk samspil, sum krydduð með fiðlu og söng, þjóðlagaskotin samspil og einleiksatriði á gítar og trommur. Stóðu nemendur sig afskaplega vel og uppskeran glæsileg.

Sameiginleg æfing söngfugla varð loks að veruleika þann 21. október, þegar söngfluglar frá Flúðum, Hveragerði og Selfossi hittust eftir langa bið. Söngfuglar eru 10 – 15 ára nemendur sem fá söngþjálfun í litlum hópum og var sungið af hjartans list undir stjórn Magneu Gunnarsdóttur og Margrétar S. Stefánsdóttur.

Allt starf stærri hópa og sameiginleg verkefni hafa verið þung í skauti sl. tvö ár og því voru nemendur og kennarar mjög þakklátir fyrir að geta loks hist og sungið saman.

Tónlistarskóli Árnesinga tók þátt í Nótunni 2021  (uppskeruhátíð tónlistarskólanna á landsvísu).

Vegna Covid var Nótan óhefðbundin. Ekki var efnt til tónleikahalds um allt land með lokatónleikum í Hörpu eins og hefð er fyrir, heldur var efnt til samstarfs við N4 um að taka við upptökum frá tónlistarskólum víðs vegar að af landinu. N4 setti saman þrjá þætti undir heitinu Net-Nótan (Netnótan – N4). Í 3. þætti má sjá brot úr atriði Tónlistarskóla Árnesinga, en á vef Kennarasambands Íslands má finna myndbandið í heild sinni Suðurland og Suðurnes | Kennarasamband Íslands (ki.is).

Fulltrúi Tónlistarskóla Árnesinga var strengjakvartett skipaður þeim Arndísi Hildi Tyrfingsdóttur […]