Engin kennsla mánudaginn 2. nóvember
Öll kennsla fellur niður mánudaginn 2. nóvember. Stjórnendur og kennarar fara yfir nýja reglugerð um takmarkanir á skólastarfi.
Stofnun Sinfóníuhljómsveitar Suðurlands
Það var stór stund í tónlistarsögu Sunnlendinga þegar stofnuð var Sinfóníuhljómsveit Suðurlands á haustdögum. Stjórnandi sveitarinnar er Guðmundur Óli Gunnarsson, en hann kom einnig að stofnun Sinfóníuhljómsveitar Norðurlands fyrir 27 árum síðan og var stjórnandi hennar í 22 ár. Hér er því byggt á mikilli reynslu.
Sinfóníuhljómsveit Suðurlands hélt sína fyrstu tónleika 16. september og voru það grunnskólanemendur í Þorlákshöfn, Hveragerði og uppsveitum sem fengu að njóta þeirrar skemmtilegu dagskrár sem boðið var uppá. Því miður tókst ekki að halda tónleika í Árborg vegna Covid.
Það er gaman að geta þess að kennarar Tónlistarskóla Árnesinga skipuðu að stórum hluta hina nýstofnuðu hljómsveit, auk […]
Gjöf til skólans
Tónlistarskóla Árnesinga berast af og til gjafir frá velunnurum.
Þannig var það þegar Ingibjörg Elsa Björnsdóttir, foreldri og nemandi við skólann, kom færandi hendi á dögunum með þráðlausan Sennheiser míkrófón og mixer. Gjöfina sagði hún vera í minningu bróður síns Sigurðar Björnssonar, sem lést 2006, „var mikill tónlistaraðdáandi, elskaði Bítlana og hlustað mikið á tónlist“.
Ætlunin er að tækin nýtist bæði rytmísku- og söngdeildinni og er andvirði hennar um 70.000 krónur.
Við þökkum Ingibjörgu Elsu innilega fyrir gjöfina og hlýhug til tónlistarskólans.
Við afhendingu gjafarinnar 1. október 2020
Haustfrí 15. – 19. október
Fimmtud. 15. – mánud. 19. október verður haustfrí í Tónlistarskóla Árnesinga.
Öll kennsla fellur niður í tónlistarskólanum þessa daga.
Flestir grunnskólar í Árnessýslu eru með starfs- eða frídaga í kringum þessa helgi, en athugið að þeir eru ekki samræmdir að öllu leyti.
Haustþing kennara 9. okt. – Frí
- október fellur niður öll kennsla vegna haustþings tónlistarkennara. Dagurinn verður nýttur til endurskoðunar á aðalnámskrá tónlistarskóla.
Laus pláss á blásturshljóðfæri
Það eru örfá laus pláss á blásturshljóðfæri á Selfossi og í Þorlákshöfn. Nemendur sem vilja læra á trompet, horn, básúnu, þverflautu, saxófón eða klarínettu eru velkomnir, en aðeins er um örfá pláss að ræða. Krakkar í 3. eða 4. bekk grunnskóla eru á kjöraldri.
Blásarakrakkar fara strax og geta leyfir í blásarasveit og fá þar mikinn félagsskap.
Áhugasamir hafi samband við skrifstofu eða sæki um á heimasíðu skólans tonar.is
Fyrstir koma, fyrstir fá.
Sumarleyfi 16. júní – 4. ágúst
Skrifstofa Tónlistarskóla Árnesinga er lokuð vegna sumarleyfa frá 16. júní til 4. ágúst.
Skrifstofan opnar aftur miðvikud. 5. ágúst kl. 8:00.
Framhaldsprófstónleikar Margrétar Guangbing Hu
Það er alltaf ánægjulegt og stór áfangi þegar nemendur ljúka framhaldsprófi frá tónlistarskólanum. Í vor lauk Margrét Guangbing Hu framhaldsprófi og hélt tilheyrandi tónleika í Hveragerðiskirju þann 28. maí sl. Til gamans má geta þess að Margrét er yngsti nemandi Tónlistarskóla Árnesinga sem lýkur framhaldsprófi, en hún útskrifast frá Grunnskólanum í Hveragerði í vor.
Margrét hóf Suzuki-píanónám við Tónlistarskóla Árnesinga árið 2009, þá 5 ára gömul, en kennari hennar frá upphafi hefur verið Ester Ólafsdóttir. Hún hefur komið fram við fjölda tækifæra innan og utan skólans og tók m.a. þátt í svæðistónleikum Nótunnar (uppskeruhátíð tónlistarskólanna) í Hafnarfirði 2014. Hún lék líka í […]
Umsóknir um skólavist 2020 – 2021
Nemendur sem óska eftir skólavist veturinn 2020 – 2021 sækja um rafrænt með því að smella á hnappinn UMSÓKN UM SKÓLAVIST hér fyrir ofan.
(Núverandi nemendur sækja um í gegnum foreldragátt).
Í þessum hlekk (Dreifibréf 2020) má sjá upplýsingar um það nám sem í boði er, en þær er jafnframt að finna hér á heimasíðu skólans.
Skólaslitavikan 19. – 26. maí nýtt til próftöku.
Skólaslit og vortónleikar falla niður í ár, en skólaslitavikan 19. – 26. maí verður nýtt til að ljúka þeim prófum sem frestuðust í mars.