Foreldraheimsóknavika 11. – 15. janúar.
Foreldrar mæta ekki í kennslustund, en kennarar hafa samband og:
– bjóða foreldrum að mæta rafrænt í tíma eða
– hringja í foreldra, til að fara yfir miðsvetrarmatið og ræða um verkefni vorannar (hvort stefnt sé á próf, upptökur eða annað).
Ath. – foreldrum er líka velkomið að hafa samband að fyrra bragði.
Kennsla hefst 5. janúar 2021 skv. stundaskrá.
Allt hópastarf fer líka af stað 5. janúar.
Við höldum uppi öllum fyrri smitvörnum – og nú skiptir máli að halda út og vanda sig áfram 🙂
– Vandaður handþvottur
– 16 ára og eldri noti grímur (undanþegnir eru blásara- og söngnemendur í tímum).
– Miðum áfram við að Suzuki-foreldrar geti mætt í einkatíma með börnum sínum og að foreldrar 6 ára og yngri megi koma með í hóptíma.
– Grímuskylda foreldra.
Sjá nánar meðfylgjandi reglugerð sem gildir 1.1.2021 – 28.2.2021: B_nr_1306_2020
Með þessari upptöku af laginu Nóttin var sú ágæt ein eftir Sigvalda Kaldalóns, óskar starfsfólk Tónlistarskóla Árnesinga öllum gleðilegra jóla og farsæls komandi árs. (Færið bendilinn yfir heiti lagsins og smellið til að hlusta).
Hljóðfæraleikarar:
Elísabet Anna Dudziak fiðla
Ingibjörg Ólafsdóttir, fiðla
Arndís Hildur Tyrfingsdóttir, víóla
Katrín Birna Sigurðardóttir, selló
Íris Beata Dudziak, píanó
Aðlögun og útsetning tónlistar. Jóhann I. Stefánsson
Umsjón. Guðmundur Kristmundsson.
Það er ánægjulegt hve líflegt skólastarfið er þrátt fyrir allt.
Eyrún Huld Ingvarsdóttir tók þátt í fiðlukeppni á vegum pólska sendiráðsins í haust. Vegna Covid var hætt við tónleika, en nemendur sendu inn myndband með hljóðfæraleiknum í staðinn.
Eyrún lék 3. þátt úr konsert í g-moll eftir Vivaldi og Salut d’amour eftir Edward Elgar, við undirleik Einars Bjarts Egilssonar.
Í gær var tilkynnt um úrslit, þar sem Eyrún Huld vann í sínum aldursflokki.
Við sendum Eyrúnu og kennara hennar Guðmundi Pálssyni innilegar hamingjuóskir!
Tónlistarskóli Árnesinga finnur oft mikinn hlýhug til starfseminnar og hve stóran sess hann skipar í samfélaginu. Gjafir til skólans er ein birtingarmyndin.
Á dögunum færði einn söngnemenda skólans, Birgitta María Braun, skólanum forláta hörpu að gjöf. Hljóðfærið þarfnast smá viðgerðar, en spennandi að eiga og nýta þetta fallega hljóðfæri þegar fram líða stundir.
Við þökkum Birgittu innilega fyrir gjöfina!
Kennarar tónlistarskólans er mjög skapandi hópur sem vílar ekki fyrir sér að ráðast í verkefni sem séð er að gagnist skólastarfinu.
Nýjasta afurðin er nýtt tónfræðiefni fyrir byrjendur sem Magnea Gunnarsdóttir tónfræði- og píanókennari, setti saman núna í haust fyrir skólann og þökkum við henni innilega fyrir alla vinnuna sem liggur að baki.
Tónfræðikennsla fer alla jafna fram í hóptímum, en þar sem Tónlistarskóli Árnesinga er dreifður er erfitt að koma við hóptímum svo víða. Svo allir sitji við sama borð fer tónfræðikennsla fyrir byrjendur fram í hljóðfæratímum. Þetta hefur gefist vel, en vantað hefur kennsluefni sem félli að þessum kennsluháttum og því […]
Jólafrí verður í tónlistarskólanum frá 19. desember 2020 til og með 4. janúar 2021.
Kennsla hefst aftur eftir jólafrí þriðjud. 5. janúar 2021
Til foreldra og nemenda
Nýjar sóttvarnareglur varðandi skóla hafa litlar breytingar í för með sér fram til jóla, en von er á nýjum reglum frá áramótum
Skólahald til áramóta verður sem hér segir:
Einkatímar – kennt skv. stundaskrá eins og verið hefur og eftir sömu reglum um takmarkanir.
Tónfræðihópar – kennt skv. stundaskrá í staðkennslu. Grímuskylda afnumin hjá nemendum á grunnskólaaldri, en huga áfram að tveggja metra reglu og grímunotkun hjá 16 ára og eldri.
Samspils- og hljómsveitaæfingar – fara almennt í gang, en með takmörkunum um fjölda, fjarlægðir og grímur skv. reglugerðinni.
* ATH. sérstaklega: Suzuki-hóptímar mega starfa, en foreldrar mega aðeins koma með nemendum á […]
Tónleikahald verður af skornum skammti í vetur vegna fjöldatakmarkana.
27. október voru þó haldnir tónleikar þar sem tveir nemendur fengu tækifæri til að spila í gegnum verk ásamt kennurum sínum og meðleikara.
Þetta voru þær Íris Beata Dudziak, píanó og Katrín Birna Sigurðardóttir, selló, sem báðar undirbúa framhaldspróf frá skólanum í vor.
Með Írisi og Katrínu á myndinni eru kennararnir Ester Ólafsdóttir og Ulle Hahndorf og Einar Bjartur Egilsson meðleikari.
Einn af föstum þáttum í starfi Tónlistarskóla Árnesinga er að heimsækja 2. bekk í öllum grunnskólum Árnessýslu með hljóðfærakynningar.
Aðstæður hafa verið misjafnar í haust og breyst milli daga, svo við höfum þurft að fresta heimsóknum, en þrátt fyrir ýmiskonar hömlur á skólastarfi hefur okkur tekist að vera með hljóðfærakynningar í fjórum skólum í haust. Öllum kynningum hefur núna verið frestað fram yfir 17. nóvember.
Í október heimsótti 2. bekkur Vallaskóla tónlistarskólann og kynntist rytmískum hljóðfærum og klassískum gítar.
Á meðfylgjandi myndum má sjá Vigni kynna gítarinn.
Við þökkum nemendum og kennurum Vallaskóla innilega fyrir komuna.
[…]
