Vortónleikar blásarasveitanna 4. apríl kl. 16:30 á jarðhæð í suðurenda Stekkjaskóla.
Blásarasveitir skólans á Selfossi og í Þorlákshöfn leiða saman hesta sína með sameiginlegum æfingadegi (og pizzum :), sem endar með vortónleikum.
Aðgangur er ókeypis og allir hjartanlega velkomnir 😊
Þann 1. maí kl. 15:00 verða haldnir tónleikar í íþróttahúsi Vallaskóla sem bera heitið „Burtu með fordóma“.
Tónleikarnir eru samstarfsverkefni Sinfóníuhljómsveitar Suðurlands, Tónlistarskóla Árnesinga, allra leikskóla í Sveitarfélaginu Árborg og Menningar- og upplýsingadeildar Árborgar. Tvíeykið Gunni og Felix sér um að tengja atriðin saman og syngja, en stjórnandi tónleikanna er Guðmundur Óli Gunnarsson.
Miðaverð er 500 kr. fyrir 12 ára og yngri / 2.500 fyrir fullorðna – sjá hér: Burtu með fordóma | Tix
Upplýsingar um tónleikana af Tix-vefnum:
Sinfóníuhljómsveit Suðurlands efnir til fjölskyldutónleika undir yfirskriftinni Burtu með fordóma. Efnisskráin er eins og nafnið gefur til kynna tileinkuð vináttu og samkennd, umburðarlyndi og ást. Tónleikarnir […]
Sumardagurinn fyrsti 24. apríl– frí.
Páskafrí 12. – 21. apríl. Öll kennsla fellur niður þessa daga.
Píanó-hringekjutónleikar 7. apríl kl. 18:30 í sal skólans Eyravegi 9, Selfossi.
Á tónleikunum leika píanónemendur fjórhent og sexhent lög á píanó og skiptast á um að leika á flygil og píanó.
Aðgangur að tónleikunum er ókeypis.
Verið öll hjartanlega velkomin!
Mið- og framhaldstónleikar voru haldnir dagana 19. og 20. mars. Það er alltaf gaman að finna orkuna sem býr í þessum nemendahópum, því geta, leikni og sjálfsöryggi eru farin að skila sér í flutningnum og um leið verða verkefnin meira krefjandi. Nemendum, kennurum og meðleikurum eru færðar kærar þakkir fyrir allan undirbúninginn og ljúfar stundir 🙂
Hér fyrir neðan eru myndir frá mið- og framhaldsdeildartónleikunum.
Nemendur og kennarar að afloknum miðdeildartónleikum. Nemendur, kennarar og meðleikarar í lok framhaldsdeildartónleika.
Dagana 7. – 10. mars sl. lagði blokkflautusveit Tónlistarskóla Árnesinga land undir fót og heimsótti Klaksvík í Færeyjum. Með ferðinni endurguldum við heimsókn frá mars í fyrra, þegar Laila Elisabeth Nielsen blokkflautukennari við tónlistarskólann í Klaksvík heimsótti okkur með hóp blokkflautu-, þverflautu- og píanónemenda, ásamt nokkrum foreldrum.
Snemma föstudags lögðu 10 nemendur, ásamt tveimur kennurum og sex foreldrum, af stað frá Selfossi. Síðdegis var hópurinn kominn til Klaksvíkur og strax drifinn í skemmtilega skoðunarferð, undir leiðsögn Hans Hjalta Skaale, um bæinn. Daginn eftir fékk hópurinn að kynnast Klaksvík enn betur og skoðaði m.a. menningarsalinn Varpið, róðrarhöllina og Christianskirkjuna með sína ótrúlega stóru […]
Það hefur verið fastur liður, að Hátíðarfundur Vísinda- og rannsóknarsjóðs Suðurlands sé opnaður með tónlistaratriði frá Tónlistarskóla Árnesinga.
Í ár, þann 12. febrúar sl, stigu á svið þrír söngnemendur, þær Karolina Konieczna, Auður Garðarsdóttir og Jónína Eirný Sigurðardóttir, ásamt Ester Ólafsdóttur píanóleikara. Fluttu þær lagið O Salutaris eftir F. Schubert, sem var mjög fallegt og gaf dagskránni hátíðlegan blæ.
Dagskrá var fjölbreytt með erindum, viðurkenningum og styrkveitingum og afhenti forseti Íslands Halla Tómasdóttir m.a. fjölskyldusviði Sveitarfélagsins Árborgar menntaverðlaun Suðurlands, vegna íslenskunámskeiða fyrir foreldra grunnskólabarna með erlendan bakgrunn.
[…]
Prófadagar verða 31. mars – 2. apríl.
Á prófadögum fellur kennsla niður, en kennarar eru á ferð og flugi að fylgja nemendum í próf og að dæma próf.
Ekki taka allir nemendur próf á prófadögum, heldur meta kennarar hvenær nemendur eru tilbúnir að þreyta næsta stigs- eða áfangapróf.
Nánari upplýsingar um námsmat í Tónlistarskóla Árnesinga má finna hér: Námsmat — Tónlistarskóli Árnesinga
Framhaldsdeildartónleikar Tónlistarskóla Árnesinga verða haldnir fimmtudaginn 20. mars kl. 18:00 í sal skólans Eyravegi 9 á Selfossi.
Flytjendur hafa allir lokið miðprófi (5. stigi) á sitt hljóðfæri og sumir að stefna á framhaldspróf (7. stig) í vor.
Dagskrá er fjölbreytt og gaman að fylgjast með leikni nemendanna þegar hér er komið í námi.
Aðgangur er ókeypis – Verið öll hjartanlega velkomin!
