Miðdeildartónleikar Tónlistarskóla Árnesinga verða haldnir miðvikudaginn 19. mars kl. 18:30 í hátíðarsal Stekkjaskóla á Selfossi.
Dagskrá er fjölbreytt að vanda og koma nemendur fram á hin ýmsu hljóðfæri.
Flytjendur hafa allir lokið grunnprófi (3. stigi) á sitt hljóðfæri og alltaf gaman að fylgjast með þessum þróttmikla hópi.
Aðgangur er ókeypis – Verið öll hjartanlega velkomin!
Á öskudag, miðvikud. 5. mars er engin kennsla, en kennarar sitja fundi og námskeið.
Til nemenda og foreldra
Vegna rauðra veðurviðvarana fellur kennsla niður í tónlistarskólanum til kl. 13:00 í dag, 6. febrúar.
Veður gengur hratt niður um hádegisbil og miðum við við að hefja kennslu á flestum kennslustöðum kl. 13:00 (eða 14:00 ef kennarar koma úr Reykjavík).
Kennsla ætti að vera að mestu ótrufluð eftir kl. 13:00 á Selfossi, í Hveragerði og Þorlákshöfn, en gæti verið “köflótt” í uppsveitum (breytilegt eftir aðstæðum).
Vinsamlegast látið kennara strax vita ef þið mætið ekki í tónlistartíma eftir kl. 13:00 í dag.
Bestu kveðjur,
Helga Sighvatsdóttir
skólastjóri
– – –
Tónlistarskóli Árnesinga
Eyravegi 9, 800 Selfossi
Sími: 482 1717
Netfang: tonar@tonar.is
Veffang: www.tonar.is
Reglur vegna óveðurs og ófærðar
Skólasvæði Tónlistarskóla Árnesinga nær yfir alla Árnessýslu. Af þeim sökum getur verið misjafnt milli kennslustaða hvort kennsla falli niður eða ekki, bresti á óveður. Eftirfarandi reglur eru því hafðar að leiðarljósi:
– – –
Nemendur og foreldrar eru beðnir um að fylgjast með veðurspá. – Öryggi fólks er í fyrirrúmi.
[…]
Samstarfsverkefni Flóahrepps, Flóaskóla og Tónlistarskóla Árnesinga. Tónlistarskólinn kennir í flestum grunnskólum Árnessýslu og hafa þá nemendur tækifæri til að sækja tónlistarkennslu á skólatíma. Þetta getur í mörgum tilvikum verið eini möguleiki nemendanna til hljóðfæranáms, þar sem þau eru bundin af akstri skólabíla og ekki mögulegt að skutlast með börnin lengri vegalegndir eftir skóla. Í Flóaskóla hefur verið kennt á hljóðfæri um árabil, en vegna kennaraskipta féll þessi kennsla niður sl. tvö ár. Með sameiginlegu átaki sveitarfélags, grunnskóla og tónlistarskóla er tónlistarkennslu í Flóaskóla nú ýtt aftur úr vör frá 1. febrúar. Boðið er upp á píanónám á skólatíma og var aðsókn […]
Hljóðfærakynningar komnar í gang. Tónlistarskólinn heimsækir (fimm sinnum á vorönn) alla nemendur í 2. bekk í grunnskólum Árnessýslu. Í þessum heimsóknum fá nemendur kynningu á hinum ýmsu hljóðfærum sem læra má á. Þau fá upplýsingar um sögu hljóðfæranna, heyra leikið á hljóðfærin og svo syngjum við alltaf nokkur lög saman. Deildarstjórar ásamt fagkennurum halda utan um kynningarnar, sem eru í allt 60 talsins.
/Helga Sighv.
Á meðfylgjandi myndum má sjá kynningu á rytmískum hljóðfærum og klassískum gítar, fyrir nemendur í Vallaskóla.
Vetrarfrí Tónlistarskóla Árnesinga verður vikuna 17. – 21. febrúar 2025.
17. og 18. febrúar falla að vetrarfríi stærstu grunnskóla sýslunnar, en 19. – 21. febrúar falla undir styttingu vinnutíma tónlistarskólakennara.
Starfsfólk Tónlistarskóla Árnesinga óskar nemendum og fjölskyldum þeirra gleðilegra jóla með þökkum fyrir árið sem er að líða.
Jólalag 2024 er Nú er glatt í döprum hjörtum eftir Wolfgang Amadeus Mozart, í útsetningu Jóhanns I. Stefánssonar.
Söng-, blokkflautu- og trommunemendur ásamt kennurum, flytja jólakveðjuna í ár.
Sjá hér: https://fb.watch/wEUW-iL9k_/
Kastljósinu í ár er beint að nýja sembalnum sem keyptur var sl. vor frá Hollandi (fyrirmyndin Klinkhammer-semball frá um 1700).
Við reynum að þessu sinni að skapa hljóðheim frá fyrri öldum með tónlistar- og hljóðfæravali. – Njótið vel!
/Helga Sighv.
Foreldraheimsóknavikan 13. – 17. janúar
Í þessum formlegu heimsóknartímum er farið yfir miðsvetrarmatið, sem er núna aðgengilegt í SpeedAdmin. Þá er líka horft fram á veginn og markmið vorannar skoðuð. Hvaða tónleikahald er framundan, er stefnt á próf eða ekki (kennari metur hvenær nemandi er tilbúinn til að taka næsta stig), hvað gengur vel og hvað verið er að vinna með þessa stundina.
* Auk þess að mæta í þessa formlegu heimsóknartíma eru foreldrar alltaf velkomnir í tíma og þurfa ekki að gera boð á undan sér.
Nemendur og kennarar fóru að vanda í desember út í samfélagið og léku jólalög og aðra fallega tónlist fyrir samborgarana.
Fjölmargir viðburðir voru skráðir undir þessum þætti í skólastarfinu. Má þar nefna heimsóknir á hjúkrunarheimili, leikskóla, kirkjur, verslanir, opin hús, bekkjartónleika í grunnskólum og viðburði þar sem óskað var eftir tónlistarflutningi. Þá tóku margir nemendur og kennarar tónlistarskólans virkan þátt í Litlu-jólum grunnskólanna 19. og 20. desember og léku undir dansi í kringum jólatré.
Við þökkum fyrir ljúfar móttökur á öllum þeim stöðum sem við heimsóttum!
/Helga Sighv.
Heimsókn […]
