Það er komið að tímamótum í stjórn Tónlistarskóla Árnesinga, því 1. ágúst nk. láta bæði skólastjóri og aðstoðarskólastjóri af störfum.

Helga Sighvatsdóttir skólastjóri og Jóhann I. Stefánsson hafa bæði komið að stjórn tónlistarskólans sl. 25 – 26 ár. Helga sem aðstoðarskólastjóri 2000 – 2017 og skólastjóri frá 2018 – 2026 auk blokkflautukennslu og Jóhann sem stjórnandi á skrifstofu frá 2001 – 2017 og aðstoðarskólastjóri frá 2018 – 2026 auk málmblásturskennslu.

Helga hverfur til annarra verkefna, en Jóhann mun áfram sinna kennslu við skólann.

Skemmtileg og gefandi ár eru að baki, sem við þökkum innilega fyrir!

Helga og Jóhann

[…]

Tónleikaröð Tónlistarskóla Árnesinga vikuna 9. – 13. febrúar, sem haldin var í tilefni af Degi tónlistarskólanna, var mjög skemmtileg.

Haldnir voru sex tónleikar alls í Skálholtskirkju, í Hveragerðiskirkju, í hátíðarsal Stekkjaskóla á Selfossi og í Þorlákskirkju. Þema tónleikanna var Dýrin okkar og mjög gaman að heyra þá fjölbreytni í efnisvali sem nemendur og kennarar göldruðu fram.

Innilegar þakkir til nemenda og kennara fyrir vel undirbúin verkefni og fallegan flutning!

/Helga Sighv.

Hér fyrir neðan má sjá nokkrar myndir frá tónleikum vikunnar.

Skálholtskirkja 9.2.2026

[…]

Tónlistarskóli Árnesinga heimsækir 2. bekk allra grunnskóla í Árnessýslu, 5 sinnum á hverju vori. Grunnskólarnir eru 12 talsins og því eru þetta í allt 60 heimsóknir.

Verkefni okkar er að kynna öll hefðbundin hljóðfæri sem læra má á í tónlistarskólanum og fá nemendur stutta kynningu um hvert hljóðfæri fyrir sig. Að auki fá nemendur að heyra hvernig hljóðfærin hljóma, kennarar leika nokkur lög og að lokum syngjum við saman 1 -2 lög.

Það er alltaf gaman að koma í grunnskólana enda afskaplega vel tekið á móti tónlistarkennurunum.

Hér fyrir neðan eru myndir frá tveimur hljóðfærakynningum í liðinni viku. – Önnur fyrir Vallaskóla, í sal Tónlistarskólans […]

18. og 19. desember er kennsla óhefðbundin. Í stað kennslu þessa daga, fara kennarar með nemendur (eftir því sem við verður komið) út í samfélagið að leika jólalög og aðra fallega tónlist fyrir samborgarana. Sú spilamennska fer oft fram á öðrum dögum í desember, eða allt eftir því hvenær hægt er að heimsækja t.d. hjúkrunarheimili, leikskóla, verslanir, viðburði og annað sem óskað hefur verið eftir. Þá taka margir nemendur og kennarar tónlistarskólans virkan þátt í Litlu-jólum grunnskólanna þessa daga og leika undir dansi í kringum jólatré.

Hér fyrir neðan eru nokkrar myndir frá jólaspilamennsku í desember.

[…]

Í júní sl. fékk tónlistarskólinn 300.000 kr. styrk frá Rótarýklúbbi Selfoss, til kaupa á gagnvirkum skjá til tónfræðikennslu á Selfossi.

Magnús Hlynur Hreiðarsson formaður Rótarýklúbbsins, afhenti skjáinn formlega þann 2. desember, en skjárinn nýtist tónfræðikennurum mjög vel.

Tónlistarskóli Árnesinga þakkar Rótarý innilega fyrir stuðninginn!

Helga Sighvatsdóttir, skólastjóri

Hausttónleikar kennaranna eru flestir að baki, en þeir allra síðustu eiga eftir að teygja sig inn í desembermánuð.

Á hausttónleikum fá nemendur að njóta sín sem einleikarar og fá þjálfun í framkomu, hver hjá sínum kennara. Það er ótrúlega gaman að mæta á þessa ólíku tónleika á öllum kennslustöðum sýslunnar og sjá nemendur jafnt stíga sín fyrstu skref á sviði, eða leika flókin verk eftir margra ára tónlistarnám. – Allt er þetta jafn dýrmætt og hvert skref jafn mikilvægt 🙂

Hér fyrir neðan má sjá myndir frá nokkrum hausttónleikanna.

/Helga Sighv.

  […]

Tónlistarskóli Árnesinga var settur í fyrsta sinn í október árið 1955 og fagnar því 70 ára afmæli í haust.

Í tilefni tímamótanna voru haldnir afmælishátíðartónleikar þann 15. nóvember í íþróttahúsinu á Laugarvatni og var þetta mikil tónlistarveisla. Undirbúningur tónleikanna hefur staðið frá því á síðustu vorönn og í haust hófust æfingar í öllum hljómsveitum, samspilshópum og kórum tónlistarskólans. Uppskeran var ríkuleg og stóðu nemendur sig með miklum sóma.

Um 250 nemendur, leikskólabörn (frá Flúðum og Reykholti) og tónlistarskólakennarar stigu á svið og um 500 áheyrendur glöddu okkur með nærveru sinni. EB-kerfi sáu um hljóðblöndun og gerðu það af mikilli fagmennsku.

Hjartans þakkir kæru nemendur […]

Strengjamót á Akranesi & Landsmót skólalúðrasveita í Reykjavík

Strengja- og blásaranemendur héldu hvorir á sitt landsmót í október.

15 strengjanemendur tóku þátt í strengjamóti á Akranesi, sem haldið var 10. – 12. október. Fiðlukennarar skólans þeir Guðmundur Pálsson og Guðmundur Kristmundsson bæði æfðu hljómsveitir og héldu utan um nemendahóp skólans. Þetta strengjamót var með þeim allra fjölmennustu sem haldin hafa verið, eða 320 þátttakendur frá 19 tónlistarskólum.

Níu blásaranemendur úr Þorlákshöfn tóku þátt í landsmóti SÍSL (samband íslenskra skólalúðrasveita) í Reykjavík, sem haldið var 17. – 19. október. Gestur Áskelsson hélt utan um hópinn og fylgdi þeim mótsdagana.

Að mæta á mót sem þessi er […]

Tónlistarskóli Árnesinga 1955 – 2025

Tónlistarskóli Árnesinga var settur í fyrsta sinn í október árið 1955 og fagnar því 70 ára afmæli í haust.

Í tilefni af afmælinu verða haldnir hátíðartónleikar þann 15. nóvember kl. 14:00 í íþróttahúsinu á Laugarvatni.

Á tónleikunum leiða saman hesta sína nemendur úr öllum hljóðfæra- og söngdeildum skólans auk þess sem leikskólabörn úr Uppsveitum og Flóa taka þátt í ævintýrinu. Það má því reikna með að flytjendur verði á annað hundrað. – Í verkefnavali er horft til tónskálda, útsetjara og hljómsveita úr Árnessýslu, auk þess sem tónbókmenntir hljóðfæranna fá að njóta sín.

Hljóðfærahópar og söngvarar æfa núna í öllum hornum skólans. […]