Vegna Covid verða ekki hefðbundin skólaslit í vor. Þess í stað verður kennsla til og með 26. maí.
Í þessum síðustu tímum vetrarins:
– afhenda kennarar nemendum prófskírteini,
– innheimta leiguhljóðfæri frá nemendum sem hætta námi,
– haldnir verða nemendatónleikar ef ekki hefur tekist að ljúka þeim fyrr og
– þá má búast við að einhverjir kennarar brjóti upp hefðbundna tíma með námskeiðum fyrir nemendur o.fl.
Nú er rétti tíminn til að sækja um nám fyrir nýnema veturinn 2021-2022
.
Kæru nemendur og foreldrar
Vegna tilskipana sóttvarnaryfirvalda og ráðuneyta verður Tónlistarskóli Árnesinga lokaður og engin kennsla fimmtudaginn 25. mars og föstud. 26. mars. Páskafrí tekur við af þessum dögum.
Við sendum ykkur upplýsingar um hvaða skipulag tekur við eftir páskafrí, þegar ljóst er hvaða reglur gilda um skólahald frá 6. apríl.
Gleðilega páska!
Þann 17. mars voru haldnir Suzuki-útskriftartónleikar þar sem nemendur á fiðlu, víólu, selló, gítar og píanó útskrifuðust úr Suzukibókum.
Fjölbreytt dagskrá þar sem margir stigu sín fyrstu spor á tónleikasviðinu – og stóðu sig vel 🙂
Íris Beata Dudziak, lauk framhaldsprófi í píanóleik með tilheyrandi framhaldsprófstónleikum í Hveragerðiskirkju þann 16. mars. Flutti Íris glæsilega einleiksdagskrá sem lauk með samleiksatriði með strengjakvartett skólans. Við óskum Írisi innilega til hamingju með þennan stóra áfanga og frábæra frammistöðu. Íris stundaði lengst af píanónám við Tónlistarskóla Rangæinga, en Ester Ólafsdóttir píanókennari leiddi hana síðasta spölinn hér hjá okkur.
Við höfum bjargað okkur með upptökum og Teams-tónleikahaldi í vetur, en eftir heils árs bindindi á hefðbundið tónleikahald fór loks að rofa til í mánuðinum.
Þann 3. mars héldum við miðdeildartónleika og 12. mars tvenna framhaldsdeildartónleika. Tónleikahaldið var auðvitað markað af smitvörnum þannig að þeir voru ekki auglýstir eins og í venjulegu ári og hver flytjandi mátti aðeins taka með sér einn gest – en mikið var ánægjulegt að geta aftur haldið tónleika og fá gesti í salinn.
Framhaldsdeildartónleikunum var líka streymt, sem var frumraun okkar í þeim efnum, og um leið ný leið til miðlunar efnis frá skólanum. Gekk streymið afskaplega vel, […]
Öll kennsla fellur niður í tónlistarskólanum, á Sumardagurinn fyrsta 22. apríl.
Nýjar sóttvarnareglur tóku gildi 1. mars (gilda til 30. apríl). Um er að ræða allnokkrar tilslakanir sem við gleðjumst mjög yfir,
en við höldum áfram persónulegum smitvörnum með handþvotti og sprittun – og mætum ekki veik/kvefuð í tónlistarskólann.
Foreldrar eru beðnir um að bera áfram grímur þegar þeir mæta í skólann.
– – –
Reglugerð um takmörkun á skólastarfi vegna farsóttar. Sjá HÉR
Helstu reglur fyrir tónlistarskóla:
– Hámarksfjöldi einstaklinga í rými = 50 (starfsmenn + fullorðnir)
– Hámarksfjöldi nemenda í rými = Fylgir reglum viðkomandi skólastigs:
– leikskóli: engin fjöldamörk,
– grunn-, framhalds- og háskóli: 150
– Lágmarksfjarlægð milli starfsfólk og nemenda = 1 metri
– Grímunotkun = Þar […]
Ragnhildur Magnúsdóttir ritari Tónlistarskóla Árnesinga lét af störfum 1. mars. Við þökkum Ragnhildi innilega fyrir einstaklega ánægjulegt samstarf og þægilega nærveru sl. 20 ár, eða frá janúar 2001.
Við starfi ritara tekur Guðrún Helgadóttir. Við bjóðum hana velkomna til starfa og óskum henni góðs gengis á þessum nýja starfsvettvangi.
Ragnhildur og Guðrún við ritaraborðið.
Páskafrí 27. mars – 5. apríl.
Kennsla hefst aftur þriðjud. 6. apríl skv. stundaskrá
