Vínarbrauðstónleikar strengjadeildar voru haldnir í Árnesi 12. maí með fjölbreyttri dagskrá – sem endaði á kaffisamsæti nemenda, foreldra og kennara að vanda.
Þessir tónleikar eru alltaf stór hátíð í starfi strengjadeildar og voru tónleikarnir í ár engin undantekning þar á.
Hópurinn að afloknum tónleikum.
/Helga Sighv.
Vortónleikar og Suzuki-útskriftir hafa litað allan maímánuð, enda er vorið uppskerutími vetrarstarfsins.
Nemendur hafa komið fram hjá sínum kennurum á litlum tónleikum á Selfossi, Þorlákshöfn og Hveragerði.
Hér má sjá nokkrar myndir frá þessum líflegu tónleikum.
[…]
Þematónleikadagur 20. apríl
Það var þétt dagskrá hjá kennurum og nemendum skólans, þegar haldnir voru sex þematónleikar á fjórum stöðum í Árnessýslu laugard. 20. apríl. Viðfangsefni tónleikanna var Eurovision-tónlist.
Það var gaman að sjá og heyra hve vel kennurum tókst að undirbúa þetta verkefni með nemendum sínum, þar sem nótur liggja ekki á lausu. Það var því undir kennurum komið að útbúa hæfilegt efni fyrri nemendur. Stundum reyndi líka á að búa til tengingu við efnið ef ekkert Eurovisionlag hentaði og mátti heyra t.d. önnur lög eftir ABBA, lög úr fyrri sönglagakeppnum innanlands, tónlistarstílar tengdir við þemað og margt fleira.
Kærar þakkir kennarar og […]
Framhaldsprófstónleikar Kristínu.
Kristína G. Guðnadóttur lauk námi við Tónlistarskóla Árnesinga með opinberum tónleikum í Selfosskirkju þann 18. apríl.
Dagskráin var afskaplega falleg með verkum sem spönnuðu um 400 ár í tónlistarsögunni, eða allt frá 16. – 20. aldar.
Meðleikarar á tónleikunum voru Ester Ólafsdóttir á píanó og orgel, Eyjólfur Eyjólfsson (söngkennari Kristínu) á þverflautu, Uelle Hahndorf á selló, Guðmundur Pálsson og Zbigniew Zuchowicz á fiðlur og söngnemarnir Ingibjörg Álfrós Björnsdóttir, Jónína Eirný Sigurðardóttir og Aldís Þóra Harðardóttir.
Við óskum Kristínu góðs gengis á söngbrautinni!
[…]
Nótan 2024.
Þeir stóðu sig vel nemendur okkar sem komu fram á Nótunni (uppskeruhátíð tónlistarskóla á landsvísu) í Salnum í Kópavogi þann 13. apríl.
Hildur Kristín Hermannsdóttir lék eigin útsetningu á Pianoman eftir Billy Joel á píanó – og Valdís Jóna Steinþórsdóttir lék Rondo eftir Saint-Georges á sópranblokkflautu við píanóundirleik Björns Pálma Pálmasonar.
Dömurnar komu fram á þriðju og síðustu tónleikum dagsins og voru skólanum til mikils sóma.
Hér fyrir neðan má sjá myndir frá æfingu og tónleikum.
/Helga Sighv.
Skólaslit verða á kennslustöðum sem hér segir:
Þri. 21. maí kl. 16:00 – Félagsheimili Hrunamanna, Flúðum
Þri. 21. maí kl. 18:30 – Þorlákskirkja
Mið. 22. maí kl. 15:00 – Félagsheimilið Árnesi
Mið. 22. maí kl. 16:00 – Aratunga
Mið. 22. maí kl. 18:30 – Hveragerðiskirkja
Fim. 23. maí kl. 16:00 – Barnaskólinn á Stokkseyri
Fim. 23. maí kl. 18:00 – Sunnulækjarskóli, Selfossi
Fös. 24. maí kl. 16:00 – Þjórsárver
Mán. 27. maí kl. 17:30 – Skálholtskirkja (nemendur úr Kerhólsskóla og frá Laugarvatni)
Skólaslit eru ólík milli staða og helgast það af nemendafjölda. Á minni kennslustöðunum eru skólaslit jafnframt vortónleikar nemendanna, en á stærri skólaslitum eru færri tónlistaratriði, en fleiri prófskírteini afhent.
Smiðjuvika 13. – 17. maí.
Í síðustu kennsluviku skólaársins stokkum við alla kennslu upp og nemendur sækja 1 – 2 smiðjur/námskeið í stað hefðbundinna kennslustunda.
– Boðið verðu uppá smiðjur á öllum kennslustöðum. – Nánari upplýsingar um smiðjur bárust nemendum og foreldrum í tölvupósti 2. maí.
– Kennarar skrá nemendur í smiðjur.
Vortónleikar.
Í byrjun maí halda kennarar vortónleika með sínum nemendum. Upplýsingar um vortónleika fást hjá kennurum.
FRAMHALDSPRÓFSTÓNLEIKAR
Sigurrós Lilja Ragnarsdóttir lýkur framhaldsprófi í söng frá Tónlistarskóla Árnesinga með opinberum tónleikum í Hveragerðiskirkju, 8. maí kl. 18:00
Við hvetjum Sunnlendinga til að nýta sér þetta góða tækifæri til að hlýða á glæsilega tónleika, enda liggur mikil vinna að baki þegar kemur að útskrift frá skólanum.
Meðleikur: Ester Ólafsdóttir píanó og orgel, Laufey Dóra Friðbjarnardóttir söngur og sönghópur.
Á dagskrá eru fjölbreytt verk eftir íslensk og erlend tónskáld og textahöfunda.
Kennari Sigurrósar Lilju er Margrét S. Stefánsdóttir.
Aðgangur að tónleikunum er ókeypis – Verið öll hjartanlega velkomin!
Sumardaginn fyrsta, fimmtud 25. apríl, fellur niður öll kennsla í tónlistarskólanum.
