Foreldraheimsóknavika verður dagana 16. – 20. september.
Gott samband foreldra og kennara getur skipt sköpum um námsframvindu. Við hvetjum því forráðamenn eindregið til að mæta í tíma með barni sínu, og ræða við kennara um verkefni og markmið vetrarins. – Foreldrar eru að auki velkomnir í kennslustund hvenær sem er.
Fyrsti kennsludagur skólaárið 2024-2025 verður 26. ágúst. Starfsdagar kennara verða 19. – 23. ágúst. Kennarar hafa samband við nemendur á starfsdögum.
Hóptímar hefjast 2. september.
Foreldradagar verða frá 16. september.
Viltu læra á hljóðfæri eða syngja?
Í skjalinu undir hnappnum HÉR, má nálgast yfirlit yfir allar námsleiðir í Tónlistarskóla Árnesinga og sjá hljóðfærin á einum stað. Sjá HÉR.
Til að sækja um nám smellið þið á hnappinn UMSÓKN UM SKÓLAVIST efst á heimsíðunni.
Ef spurningar vakna, hvetjum við ykkur til að hafa samband við okkur í ágúst og fá nánari upplýsingar.
ATH. Skrifstofan er lokuð til 7. ágúst 2024.
Skrifstofa Tónlistarskóla Árnesinga er lokuð vegna sumarleyfa til 7. ágúst 2024.
Njótið sumarsins sem allra best 🙂
Kæru umsækjendur
Undir heitinu Dreifibréf 2024, má sjá helstu upplýsingar um nám og námsleiðir í Tónlistarskóla Árnesinga: Dreifibréf 2024
Ef þið óskið eftir tónlistarnámi næsta vetur, smellið á hnappinn: UMSÓKN UM SKÓLAVIST efst hér á heimasíðunni og fyllið út allar umbeðnar upplýsingar.
Nemendur sem fá skólavist, fá tölvupóst í ágúst með upplýsingum um greiðslu skólagjalda.
Kennslutímabilið byrjar í lok ágúst og stendur til maíloka.
Nemendur á blásturs- og strokhljóðfæri geta leigt hljóðfæri af skólanum.
Við bjóðum nýja nemendur hjartanlega velkomna til tónlistarnáms.
Helga Sighvatsdóttir, skólastjóri
Skrifstofa Eyravegi 9, Selfossi
Sími: 482 1717
Skrifstofan er lokuð frá miðjum júní fram í byrjun ágúst.
Smiðjuvikan 13. – 17. maí, var mjög skemmtilegt uppbrot á kennsluna og batt um leið endahnútinn á vetrarstarfið. Þar leiddu nemendur og kennarar saman hesta sína í ýmsum ólíkum smiðjum og námskeiðum.
Ríkti mikil gleði og eftirvænting meðal nemenda og kennara og höfðu báðir hópar jafn gaman af, sem sjá má á myndum hér fyrir neðan 😊
/Helga Sighv.
Hér má sjá örlítið sýnishorn frá smiðjum vikunnar:
Latin-dans […]
Sigurrós Lilja Ragnarsdóttir lauk söngnámi við Tónlistarskóla Árnesinga 8. maí með opinberum framhaldsprófstónleikum, en tónleikarnir voru lokatónleikar hennar frá skólanum.
Lilja flutti fallega og fjölbreytta dagskrá og var klappað lof í lófa í lok tónleika, ásamt Margréti söngkennara hennar, Ester píanómeðleikara, Laufey Dóru söngfugli (dóttur Lilju) og sönghópi skólans.
/Helga Sighv.
Vínarbrauðstónleikar strengjadeildar voru haldnir í Árnesi 12. maí með fjölbreyttri dagskrá – sem endaði á kaffisamsæti nemenda, foreldra og kennara að vanda.
Þessir tónleikar eru alltaf stór hátíð í starfi strengjadeildar og voru tónleikarnir í ár engin undantekning þar á.
Hópurinn að afloknum tónleikum.
/Helga Sighv.
Vortónleikar og Suzuki-útskriftir hafa litað allan maímánuð, enda er vorið uppskerutími vetrarstarfsins.
Nemendur hafa komið fram hjá sínum kennurum á litlum tónleikum á Selfossi, Þorlákshöfn og Hveragerði.
Hér má sjá nokkrar myndir frá þessum líflegu tónleikum.
[…]
Þematónleikadagur 20. apríl
Það var þétt dagskrá hjá kennurum og nemendum skólans, þegar haldnir voru sex þematónleikar á fjórum stöðum í Árnessýslu laugard. 20. apríl. Viðfangsefni tónleikanna var Eurovision-tónlist.
Það var gaman að sjá og heyra hve vel kennurum tókst að undirbúa þetta verkefni með nemendum sínum, þar sem nótur liggja ekki á lausu. Það var því undir kennurum komið að útbúa hæfilegt efni fyrri nemendur. Stundum reyndi líka á að búa til tengingu við efnið ef ekkert Eurovisionlag hentaði og mátti heyra t.d. önnur lög eftir ABBA, lög úr fyrri sönglagakeppnum innanlands, tónlistarstílar tengdir við þemað og margt fleira.
Kærar þakkir kennarar og […]
