Smiðjuvikan 27. – 31. mars var ótrúlega lífleg og skemmtileg. Þetta er í fyrsta sinn sem Tónlistarskóli Árnesinga setur upp námskeiðs-/smiðjuviku sem þessa þar sem allri kennslu er umbreytt, en nemendur sækja í staðinn ýmsar tónlistartengdar smiðjur. Það var skemmtilegur andi í lofti þegar nemendur mættu í smiðjurnar sínar á hinum fjölmörgu kennslustöðum skólans. Boðið var upp á rytmískar smiðjur, sambabönd, söng af ýmsu tagi, gítarpartý, ukulele, Suzukihljómsveit, að oliubera blokkflautur, hljóðsetja kvikmynd, læra um langspil, blús, spuna, orgel, horfa á tónlistarkvikmynd o.fl.

– Hjartans þakkir til allra sem tóku þátt í námskeiðunum og gerðu vikuna svona skemmtilega 😊

/Helga Sighv.

Hér fyrir neðan […]

Hátíðartónleikar Nótunnar fóru fram í Eldborgarsal Hörpu sunnudaginn 19. mars, en Nótan er uppskeruhátíð tónlistarskólanna á landsvísu.

Mikið líf var í Hörpu allan daginn, með þrennum tónleikum í Eldborg, vinnusmiðjum og tónlistarflutningi í Hörpuhorni. Að þessu sinni sendu tónlistarskólar alls staðar að af landinu hópatriði (hljómsveitir eða samspilshópa) til þátttöku á tónleikunum.

Suzuki-gítarhópur undir stjórn Birgitar Myschi, við undirleik Kristins Freys Kristinssonar var framlag Tónlistarskóla Árnesinga í ár. Stóðu nemendur og kennarar sig afkaplega vel og voru skólanum til mikils sóma. Á þessari slóð má sjá nokkrar myndir frá Nótunni: Nótan 2023 – MYNDIR | Kennarasamband Íslands (ki.is)

– Takk fyrir allan undirbúninginn og […]

Mið- og framhaldsdeildartónleikar fóru fram 15. og 16. mars í Selfosskirkju. Það var reglulega gaman að sjá og heyra þennan kraftmikla hóp sem hefur öðlast færni og kunnáttu til að leika fjölbreytta og talsvert flóknari tónlist en geristi á fyrstu árum tónlistarnámsins.

Takk fyrir dásamlega tónleika kæru nemendur og kennarar 🙂

Flytjendur á miðdeildartónleikum                  Flytjendur á framhaldsdeildartónleikum

/Helga Sighv.

Barnadjass – Námskeið Odd André

Laugardaginn 14. janúar sóttu nokkrir kennarar skólans námskeið um djasskennslu fyrir börn á aldrinum 9 – 11 ára, sem haldið var í húsnæði tónlistarskólans á Selfossi. Í lok námskeiðsins bættust 14 nemendur við (á ýmsum hljóðfærum) og fengu leiðsögn í að spila djass eftir eyranu og að spinna. Skemmtilegt námskeið sem gaf kennurum nokkur góð viðbótarverkfæri inn í kennsluna.

Kennari var Odd André Elveland, en hann mætti með einn nemanda frá Noregi og nokkra nemendur úr Mosfellsbæ, sem léku bæði fyrir kennarana og með nemendum á námskeiðinu.

[…]

Á hátíðarfundi Vísinda- og rannsóknarsjóðs Suðurlands í sal Fjölbrautaskóla Suðurlands þann 12. janúar 2023, var tilkynnt að Tónlistarskóli Árnesinga hefði hlotið Menntaverðlaun Suðurlands 2022, en níu tilnefningar bárust um menntaverðlaunin að þessu sinni.

Það var með miklu stolti sem skólastjórnendur Tónlistarskóla Árnesinga tóku við verðlaununum, úr hendi forseta Íslands.

Á viðurkenningaskjali stendur eftirfarandi:

„Menntaverðlaun Suðurlands 2022 hlýtur Tónlistarskóli Árnesinga fyrir að mennta nemendur sína á starfstöðvum víða í Árnessýslu og efla þá í að koma fram á hinum ýmsu viðburðum skólans. Verðlaunin eru einnig veitt fyrir kynningu kennara skólans á fjölbreyttum hljóðfærum fyrir nemendur grunnskóla í Árnessýslu á hverju vori. Með starfi sínu leggur […]