Kennarar Tónlistarskóla Árnesinga skiptast á að heimsækja alla nemendur í 2. bekk í grunnskólum sýslunnar með hljóðfærakynningar. Hver bekkur fær fimm heimsóknir yfir veturinn þar sem nemendum eru kynntir mismunandi hljóðfæraflokkar. Í hverri kynningu fá nemendur sögubrot, upplýsingar um hvernig hljóðfærin virka, heyra leikin lög, prófa sjálf hljóðfærin – og að auki eru sungin þrjú lög sem fylgja öllum hljóðfærakynningum vetrarins. Í vetur syngja nemendur lögin: Dvel ég í draumahöll, Krummi svaf í klettagjá og Tónlistarskólalagið.

Það er tekið afskaplega vel á móti tónlistarkennurunum þegar þeir mæta í heimsóknirnar og börnin mjög áhugasöm. Verkefnið hefur því verið gefandi fyrir alla sem að […]

Tveir nemendur Tónlistarskóla Árnesinga léku með Ungsveit Sinfóníuhljómsveitar Íslands á tónleikum sveitarinnar sunnudaginn 22. september sl. Þetta voru Katrín Birna Sigurðardóttir á selló og Elísabet Anna Dudziak á fiðlu. Stóðu þær sig með miklum sóma á tónleikunum, en þess má geta að Katrín Birna var leiðari sellódeildar.

Að baki er prufuspil, langur undirbúningstími og þéttar æfingar – og uppskeran 9. sinfónía Beethovens í Eldborgarsal Hörpu, undir stjórn Daniel Raiskin.

Tónleikarnir voru einstaklega skemmtilegir. Auk hljómsveitarinnar komu fram sex kórar og fjórir einsöngvarar og voru í allt um 300 flytjendur á sviði. Frábært tækifæri fyrir alla þá nemendur sem tóku þátt.

[…]

Þrír söngnemendur luku framhaldsprófi frá tónlistarskólanum í maí, með glæsilegum framhaldsprófstónleikum.

Þetta voru þær Berglind María Ólafsdóttir, Unnur Þórisdóttir og Sædís Lind Másdóttir. Við óskum þeim innilega til hamingju með þennan stóra námsáfanga.

Hér má sjá þær stöllur syngja saman lokalag tónleikanna.

Allskynsópera Tónlistarskóla Árnesinga

10. og 11. maí setti Tónlistarskóli Árnesinga upp hina stórskemmtilegu „Allskynsóperu“ á Stokkseyri.

Haldnar voru þrjár sýningar og skemmtu bæði flytjendur og áheyrendur sér konunglega, um leið og þeir nutu vandaðs tónlistarflutnings nemenda.

Handritshöfundur og aðalstjórnandi Allskynsóperunnar var Guðmundur Kristmundsson, en alls tóku um 150 nemendur, í hljómsveitum og samspilshópum, einsöngvarar og söngfuglar þátt undir stjórn sinna kennara og stjórnenda.

Nemendum og kennurum eru færðar kærar þakkir fyrir glæsilega óperu!

Um leið er foreldrum í nýstofnuðu Suzuki-foreldrafélagi þakkað innilega fyrir nestismál og annað utanumhald milli tónleika.

[…]

Það var myndarlegur nemendahópur sem útskrifaðist úr Suzukibókum á hin ýmsu hljóðfæri, á tónleikum laugard. 4. maí.

Á meðfylgjandi myndum má sjá glaða nemendur, kennara og meðleikara að tónleikum loknum.

Til hamingju með glæsilegar útskriftir!

Kennarar tónlistarskólans tóku sig til og buðu fyrrverandi kennurum skólans sem komnir eru á eftirlaun í morgunkaffi þann 10. apríl. Urðu þar fagnaðarfundir og nutu bæði núverandi og fyrrverandi kennarar samverustundarinnar.
Auk þess að drekka saman kaffi og gæða sér á kræsingum, hlýddu gestir á stutta dagskrá.

Þrír nemendur stigu á stokk, þau Sif Káradóttir, Grímur Chunkuo Ólafsson og Arnar Gísli Sæmundsson, en Suncana Slamnig sá um undirleikinn. Þá söng kennarakórinn tvö lög sem tengdust gestunum. Bæði lögin voru í útsetningu Ásgeirs Sigurðssonar, annað lagið var eftir Sigfús Ólafsson og texti hins lagsins eftir Hjört Þórarinsson. Kolbrún Berglind flutti gullmola úr kennslustundum og […]

Lokatónleikar Nótunnar, uppskeruhátíðar tónlistarskólanna, fóru fram í Hofi á Akureyri 6. apríl. Á tónleikunum léku tónlistarskólanemendur sem valdir höfðu verið úr hópi hundruða flytjenda á fernum svæðistónleikum Nótunnar í mars, en um 70 nemendur komu fram á lokatónleikunum í 24 atriðum.

Lokatónleikarnir voru einstaklega fjölbreyttir og skemmtilegir, því þarna mátti heyra nemendur á ýmsum námsstigum flytja mjög ólík verkefni s.s. einleik á ýmis hljóðfæri, sinfóníuhljómsveit, þungarokkssveit, söngleikja- og óperusöng, dúetta og tríó af ýmsu tagi svo eitthvað sé nefnt. 10 atriði fengu verðlaunagrip Nótunnar fyrir frammistöðuna og endurspegluðu verðlaunin þá fjölbreytni sem einkenndi dagskrána.

Tónlistarskóli Árnesinga átti tvö atriði á lokatónleikunum í Hofi […]

Tvennir miðdeildar- og framhaldsdeildartónleikar voru haldnir í sal skólans á Selfossi 25. og 26. mars sl. Þessar tvær deildir eru mjög öflugar í vetur og skilaði það sér vel á tónleikunum.

Var unun að heyra nemendurna leika og fylgjast með hve tónn og túlkun er orðin þjálfuð hjá þessum nemedahópi.

Nemendur og kennarar fá bæði þakkir og hrós fyrir vandaðan undirbúning og flutning.

Á myndunum má sjá káta nemendur og kennara að afloknum vel heppnuðum tónleikum.

Guðmunur Pálsson ásamt fiðlunemendum.          […]

Auk hefðbundinnar kennslu standa nemendum oft til boða, námskeið af ýmsu tagi. Má þar nefna Suzuki-námskeið og upprifjunardagar, meistaranámskeið og landsmót blásara- og strengjasveita með alls konar námskeiðahaldi.

Nýverið voru haldin tvö skemmtileg og fræðandi námskeið í tónlistarskólanum.

Þann 14. mars var haldið  námskeið í tali og tónum, um rytmíska tónlist fyrir nemendur í rytmísku, gítar- og fiðlunámi. Námskeiðið var í umsjón Björns Thoroddsen, Unnar Birnu Björnsdóttur, Skúla Gíslasonar og Sigurgeirs Skafta Flosasonar. Kynntu þau ýmsar tónlistartegundir, léku nokkur lög og ræddu við nemendur um tónlistina og framkomu á tónleikum og svöruðu spurningum áheyrenda.

Þann 18. mars var svo haldið fræðsluerindi með nemendum í framhaldsnámi […]

Sl. laugardag fóru fram svæðistónleikar Nótunnar fyrir Suðurland, Suðurnes og Kragann og átti Tónlistarskóli Árnesinga fjögur atriði á dagskrá. Á tónleikunum kepptu tónlistarskólanemendur um þátttökurétt á lokatónleikum Nótunnar, sem að þessu sinni verða haldnir í Hofi á Akureyri 6. apríl.

Nemendur Tónlistarskóla Árnesinga stóðu sig allir afskaplega vel og voru skólanum til mikils sóma. Þá var uppskeran ríkuleg, því tvö af atriðum skólans komust áfram á lokatónleikana.

Fulltrúar Tónlistarskóla Árnesinga í Hofi þann 6. apríl verða:

Eyrún Huld Ingvarsdóttir, sem leikur 1. þátt úr konsert í a-moll eftir Antonio Vivaldi á fiðlu, við undirleik Einars Bjarts Egilssonar og

Rytmasveitin No Sleep, en hana skipa Gylfi […]