Tónlistarskóli Árnesinga fær alltaf af og til gefins hljóðfæri, nótnabækur og annað sem tengist tónlistarnámi.
Nýjasta búbótin er fiðla sem skólinn fékk að gjöf frá Ísólfi Gíslasyni í Hveragerði, núna í febrúar.
Tónlistarskólinn þakkar Ísleifi þann hlýhug sem fylgir þessari góðu gjöf, en fiðlan mun án efa nýtast efnilegum fiðlunemendum skólans á komandi árum.
Dagur tónlistarskólanna var haldinn hátíðlegur um land allt sl. laugardag 9. febrúar.
Tónlistarskóli Árnesinga stóð fyrir 6 svæðistónleikum í tilefni dagsins og komu fram alls um 300 nemendur.
Tónleikar voru haldnir í Aratungu, Félagsheimilinu Flúðum, Þorlákskirkju, Hveragerðiskirkju og tvennir tónleikar í sal Tónlistarskólans á Selfossi.
Efnisskráin var mjög fjölbreytt og þema vetrarins (sampil þriggja og fleiri) skilaði sér skemmtilega inn í tónleikadagskrána. M.a. mátti sjá „píanóhringekjur“ þar sem píanónemendur léku lagasyrpur á tvö píanó, ýmsa ólíka samspilshópa auk fjölda einleikara.
Stóðu nemendur sig afskaplega vel og fallegur bragur yfir öllum tónleikunum. Kennarar eiga líka hrós skilið fyrir gott utanumhald, en þeir skiptu með sér verkum […]
Sunnudaginn 27. janúar var haldinn Suzuki-píanóupprifjunardagur í Tónlistarskóla Árnesinga.
Allir nemendur stóðu sig mjög vel og eiga hrós skilið fyrir frammistöðuna.
Dagur tónlistarskólanna 9. febrúar 2019
Dagur tónlistarskólanna er haldinn hátíðlegur um allt land laugard. 9. febrúar.
Í tilefni dagsins stendur Tónlistarskóli Árnesinga fyrir sex svæðistónleikum í Árnessýslu.
11:00 Félagsheimilið Aratungu – Nemendur úr Bláskógabyggð og Grímsnes- og Grafningshreppi
11:00 Eyravegur 9, Selfossi
13:00 Eyravegur 9, Selfossi
13:00 Félagsheimilið Flúðum – Nemendur úr Hrunamannahreppi, Skeiða- og Gnúpverjahreppi og Flóahreppi
15:00 Þorlákskirkja – Nemendur úr Þorlákshöfn, frá Stokkseyri og Eyrarbakka
17:00 Hveragerðiskirkja
– Aðgangur er ókeypis og […]
Í desember flögruðu nemendur og kennarar vítt og breitt um samfélagið og léku jólalög og aðra fallega tónlist fyrir samborgarana. Má þar nefna Litlu-jól leik- og grunnskóla, opin hús í skólum, heimsóknir á hjúkrunarheimili og öldrunarstofnanir, vinnustofur fatlaðra, á fundi og ráðstefnur, í verslanir og stofnanir – og svo mætti lengi telja. Alls um 60 viðburðir.
Á meðal viðburða voru kertatónleikar eldri strengjasveitar 16. desember í Listasafni Árnesinga í Hveragerði. Einstaklega falleg stund í listrænu umhverfi og ekki annað hægt en að vera mjög stoltur af.
– Takk fyrir allan dugnaðinn í desember kæru nemendur og kennarar!
[…]
Deildatónleikaröð tónlistarskólans stóð yfir dagana 1. – 9. nóvember. Stór hluti nemenda skólans kom fram á tónleikunum, sem þátttakendur í samspilshópum og hljómsveitum skólans, sem einleikarar og einsöngvarar.
Það var einstaklega ánægjulegt að fylgjast með öllum þessum ólíku tónleikum sem voru bæði nemendum og kennurum til mikils sóma. Eiga allir hlutaðeigendur hrós skilið fyrir frábæra vinnu við undirbúning og flutning. – Dásamlegt þversnið af starfsemi skólans.
[…]
Strengjamót var haldið á Akureyri dagana 2. – 4. nóvember. Frá Tónlistarskóla Árnesinga fóru 10 duglegir strengjanemendur og tveir kennarar (sem jafnframt stjórnuðu hljómsveitum á mótinu), auk foreldra sem héldu þétt utan um hópinn.
Akureyringar stóðu einstaklega vel að allri umgjörð mótsins. Æfingar fóru fram á fjórum stöðum í bænum, en lokatónleikar voru haldnir í glæsilegum aðalsal Menningarhússins Hofs.
– Heim snéri glaður hópur að móti loknu, með góðar minningar í farteskinu og nýja ferska tónlistarneista í huga og höndum.
(Mynd frá strengjadeildartónleikum 2018)
Hljóðfærakynningar í 2. bekk allra grunnskóla í Árnessýslu, er fastur þáttur í vetrarstarfi Tónlistarskólans.
Í október fá nemendur kynningu á trommum, gítar, rafgítar og píanói og sjá Margrét, Stefán og Vignir um þessa fyrstu sex vikna kynningarlotu vetrarins.
Í nóvember fara af stað kynningar á strengjahljóðfærum, í janúar tréblásturshljóðfærum, í febrúar málmblásturshljóðfærum og í mars fá nemendur upprifjunartíma og syngja saman.
Tónlistarskólakennarar skipta með sér kynningunum. Nemendur fá að sjá hljóðfærin, heyra leikið á þau og að lokum að prófa sjálf að ná tóni/spila, sem vekur alltaf mikla gleði og eftirvæntingu.
Lúðrasveitamót var haldið á Akureyri dagana 12. – 14. október, fyrir nemendur úr 8. bekk og eldri sem lokið hafa grunnprófi í hljóðfæraleik.
15 nemendur frá Þorlákshöfn og Selfossi tóku þátt í mótinu ásamt kennurum sínum, þeim Jóhanni, Gesti og Kolbrúnu Berglindi, en þátttakendur komu alls staðar að af landinu. Hópnum var skipt í ýmsar smiðjur þar sem hægt var að læra t.d. á ukulele, steppdans, zumba-dans, spila í stórsveit og ýmislegt fleira.
Árlegir súputónleikar BES (Barnaskólans á Eyrarbakka og Stokkseyri) voru haldnir sunnudaginn 14. október á Stokkseyri, en tónleikarnir eru samstarfsverkefni Barnaskólans og Tónlistarskóla Árnesinga.
Á tónleikunum komu fram tónlistarskólanemendur af svæðinu og nemendur sem taka þátt í kór og tónlistarvali Barnaskólans. Nemendur stóðu sig vel og ánægjulegt að sjá hve margir áheyrendur mættu til að hlýða á tónleikana.
Í dagskrárlok var að vanda boðið upp á súpu gegn frjálsum framlögum, en ágóðinn rennur til stuðnings við tónlistarstarf í grunnskólanum.
